21:29, Thursday, 06.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ჯიოევასთან დიალოგი უფრო ეფექტური იქნება, ვიდრე ბიბილოვთან“

29.11.2011
ექსპერტი კავკასიის საკითხებში მამუკა არეშიძე მიიჩნევს, რომ არაღიარებული სამხრეთ ოსეთის საპრეზიდენტო არჩევნებში ნებისმიერი კანდიდატის გამარჯვების შემთხვევაში, სეპარატისტული რეგიონის პოლიტიკური კურსი ისევ მოსკოვზე იქნება ორიენტირებული.

„დე ფაქტო საპრეზიდენტო არჩევნების მეორე ტურში მონაწილე ორივე კანდიდატი პრორუსულია. მათთვის საკუთარი ხალხის ინტერესები მოსკოვის ინტერესებთან შედარებით მეორადია. თუმცა, კომუნიკაციის თვალსაზრისით, ალა ჯიოევასთან დიალოგი უფრო ეფექტური იქნება, ვიდრე რუსეთიდან აბსოლუტურად მართვად ბიბილოვთან“, - განუცხადა მცხეთა-მთიანეთის საინფორმაციო ცენტრს მამუკა არეშიძემ.

მისივე თქმით, წინასწარი მონაცემებით, დე ფაქტო არჩევნებში ოპოზიციონერი კანდიდატი ალა ჯიოევა იმარჯვებს, რაც მიუთითებს, რომ ე.წ. სამხრეთ ოსეთის საზოგადოება რუსეთის ფაქტორით გაღიზიანებულია.

„რუსეთის პრეზიდენტ დიმიტრი მედვედევთან ბიბილოვის შეხვედრამ საზოგადოება გააღიზიანა და მის წინააღმდეგ განაწყო“, - აღნიშნა არეშიძემ.

შეგახსენებთ, რომ 27 ნოემბერს, სამხრეთ ოსეთის ტერიტორიაზე დე ფაქტო არჩევნების მეორე ტური ჩატარდა, სადაც ერთმანეთს დაუპირისპირდნენ საგანგებო სიტუაციების დე ფაქტო მინისტრი ანატოლი ბიბილოვი (რომელიც კოკოითისა და კრემლის კანდიდატია) და განათლების დე ფაქტო ექს-მინისტრი ალა ჯიოევა (გაერთიანებული ოპოზიციის ლიდერის ძამბოლატ თედეევის მიერ წარდგენილი კანდიდატი).

სამხრეთ ოსეთში დე ფაქტო საპრეზიდენტო არჩევნების მეორე ტურში, 85 საარჩევნო უბნიდან 43 საარჩევნო უბნის შედეგების მიხედვით, ხმები შემდეგნაირად გადანაწილდა – ალა ჯიოევამ ამ უბნებზე ხმების 51,37% მოაგროვა, ანატოლი ბიბილოვმა - 46,21%. ამის შესახევ სააგენტო „ოსინფორმი“ იტყობინება.

დე ფაქტო საპრეზიდენტო არჩევნების პირველი ტური 13 ნოემბერს გაიმართა. მასში 11 კანდიდატი მონაწილეობდა.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC