15:16, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ზაზა ხატიაშვილი: „იმის გამო, რომ მარიამ იველაშვილი შეიწყალეს, ჩვენ არ გავჩერდებით“

29.11.2011

პრეზიდენტის მიერ შეწყალებული ახალბედა ადვოკატის, მარიამ იველაშვილის საქმესთან დაკავშირებით სამართლებრივი პროცედურები გაგრძელდება. ამის შესახებ ადვოკატთა ასოციაციის თავმჯდომარემ ზაზა ხატიაშვილმა განაცხადა.

„სამართლებრივი პროცედურები აუცილებლად გაგრძელდება. საბრალდებო სკამზე დასხდება ყველა ის პირი, ვინც საქმეში იყო ჩართული, კერძოდ - სამივე ინსტანციის სასამართლოს მოსამართლეები, პროკურორი და ორი ცრუ მოწმე. იმის გამო, რომ მარიამი შეიწყალეს, ჩვენ არ გავჩერდებით. საქმე სტრასბურგშია გასაჩივრებული და სასამართლომ ის წარმოებაში უკვე მიიღო. ჩვენს ფრანგ ადვოკატს ვესაუბრეთ და ვთხოვეთ, რომ განხილვის პროცედურები დაჩქარდეს. საქმე ევროპული კონვენციის 6-ე მუხლით გასაჩივრდა, რაც გულისხმობს არარსებულ დანაშაულზე განაჩენის გამოტანას“,- განუცხადა „პირველს“ ხატიაშვილმა.  

შეგახსენებთ, რომ პრეზიდენტმა გიორგობის დღესასწაულზე თაღლითობის ბრალდებით დაკავებული 23 წლის ახალბედა ადვოკატი მარიამ იველაშვილი შეიწყალა.

აღსანიშნავია, რომ მარიამ იველაშვილს ბრალი არ უღიარებია.

ცნობისთვის: შეწყალების კომისიის მუშაობის პრინციპის თანახმად, კომისია შეწყალების რეკომენდაციას მხოლოდ იმ პატიმრებზე გასცემს, რომელთაც სასჯელის ნახევარი აქვთ მოხდილი, ბრალეულობას აღიარებენ, ჩადენილ დანაშაულს ინანიებენ და მძიმე კატეგორიის დანაშაული არ ჩაუდენიათ. 

როგორც „პირველს“ ადვოკატთა ასოციაციაში განუცხადეს, პრეზიდენტს იველაშვილის შეწყალების თხოვნით მარიამის დედამ მიმართა.

მათივე თქმით, იველაშვილის უფლებების დამცველმა და საქართველოს ადვოკატთა ასოციაციის თავმჯდომარემ ზაზა ხატიაშვილმა ეს საქმე ევროპაში გაახმაურეს.
 
სამართალდამცველებმა იველაშვილი თაღლითობის ბრალდებით გორში 2008 წლის 3 ნოემბერს დააკავეს. თბილისის საქალაქო სასამართლომ მას 5,5 წლიანი პატიმრობა მიუსაჯა.

ადვოკატების მტკიცებით, იველაშვილი სასჯელს სრულიად უკანონოდ იხდიდა.

„იგი სრულიად უკანონოდ, 2 მოწმის ჩვენების საფუძველზე დააკავეს. ისინი მას ქრთამის სახით 100 და 309 ლარის აღებას ედავებიან. პირველის თქმით, მან 100 ლარი ადვოკატს სახელმწიფო ბაჟის გადასახდელად გადაუხადა, მეორე მოწმეს კი ადვოკატი არც იცნობს და მიუხედავად ამისა, მისი ჩვენება სასამართლომ მხედველობაში მიიღო“, - აცხადებდა ზაზა ხატიაშვილი.

თავად იველაშვილი ყველაფერს 2004 წელს ტელეკომპანია „იმედის“ ეთერში, გადაცემა „დროებაში“ გასულ შეთხზულ სიუჟეტს უკავშირებს. აღნიშნულთან დაკავშირებით სტუდია „მონიტორმა“ ფილმიც გადაიღო.

როგორც ახალბედა ადვოკატი „მონიტორის“ ფილმში აცხადებს, მან გორის გუბერნატორ მიხეილ ქარელისა და მისი მრჩევლის, ამჟამად პარლამენტის წევრ ბადრი ბასიშვილის თხოვნით, ტელეკომპანია „იმედის“ ჟურნალისტის მეშვეობით ცრუ ინფორმაცია გაავრცელა და ჯერ კიდევ სკოლის მოსწავლემ თავი წარადგინა ოსური „კმარას“ აქტივისტად, რომელიც თითქოსდა კოკოითის რეჟიმის წინააღმდეგ იბრძოდა. მოგვიანებით იველაშვილმა სიმართლე აღიარა და ადგილობრივი ხელისუფლება ამხილა. როგორც თავად აცხადებს, ის სასჯელს სწორედ ამ მხილებისათვის იხდიდა.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC