07:09, Thursday, 28.05.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გუდიაშვილის მოედნის ისტორიულ სახეს საფრთხე ემუქრება

22.12.2011

მარიამ ხურციძე

თბილისის მერია გუდიაშვილის სკვერს 15 მილიონ დოლარად ყიდის. ინფორმაცია მერიის ვებ-გვერდზეა განთავსებული, გამოქვეყნების თარიღის მითითების გარეშე.

ამ ინფორმაციის პარალელურად, კომპანია „ზეჰნერ ენდ ზეჰნერის“ არქიტექტორთა საიტზე გუდიაშვილის განახლებული მოედნის ესკიზები გაჩნდა. განცხადებაში მითითებულია: „ჩვენ შევცვლით კლასიკურ ორიგინალურ ქართულ ელემენტებს სამაგალითო  ფასადური დიზაინით. რომელიც მდიდრული დეკორით შექმნილი აივებით გაფორმდება.  საბოლოოდ ეს იდეა გააერთიანებს  ფასადებს აბსტრაქციის სხვადასხვა საფეხურებს და ცალკეულ შენოობებს. რაც საბოლოო ჯამში ერთ ანსაბლს შექმნის“.

ზეჰნერის ესკიზების გასაჯაროების შემდეგ მერია განმარტებას აკეთებს. humanrights.ge ტექსტს უცვლელად გთავაზობთ.

„ჩვენი პრიორიტეტია გუდიაშვილის მოედანზე მდებარე ისტორიული შენობებისა და ზოგადად ამ ურბანული ქსოვილის კულტურული მემკვიდრეობის სრულად შენარჩუნება. აღნიშნულიდან გამომდინარე, იგეგმება შენობების კონსტრუქციული გამაგრება და ისტორიული ფასადების რესტავრაცია. რაც შეეხება გუდიაშვილის მოედნის საინვესტიციო გარემოს კვლევაზე გამოცხადებულ კონკურსს, ამის შესახებ ჩვენთვის  სოციალური ქსელებიდან გახდა ცნობილი. აღნიშნული კონკურსი წარმოადგენს კერძო ინიციატივას და არანაირი შეხება არ აქვს თბილისის მერიასთან. როგორც ჩვენ განგვიმარტეს, კონკურსს აქვს მხოლოდ კონცეპტუალური და არა რაიმე არქიტექტურული დატვირთვა.  თბილისის მერიაში განაცხადი ამის შესახებ არ ყოფილა წარმოდგენილი და განხილული.  რაც შეეხება გუდიაშვილის მოედნის განვითარებას, თბილისის მერიაში არსებობს  გუდიაშვილის მოედნის რეაბილიტაციის პროექტი. ვიზუალიზაციისთვის  წარმოგიდგენთ გუდიაშვილის მოედნის ფოტომასალას“.

პალიტრა.ტვ-ს ცნობით, გუდიაშვილის სკვერთან მცხოვრებ მოქალაქეებს არც მოედნის რეკოსტრუქციისა და რაც გამარჯვებული ავსტრიული კომპანიის შესახებ სმენიათ. ისინი ამბობენ, რომ საუკუნეების წინ აშენებულ შენობებს ისტორიული იერსახე უნდა შეუნარჩუნდეთ.

ისტორიულ მოედანზე ახალი თანამედროვე სტილის შენობების აგების წინააღმდეგია „თბილისის ჰამქარიც“. „ჰამქარის“ უსტაბაში, ჟურნალისტი ალეკო ელისაშვილი ფიქრობს , რომ საშუალო დონის პრიალა მოედანი ისტორიულ სკვერს ვერ  ჩაანაცვლებს: „ის, რაც აქ არის დაგეგმილი, აღმაშფოთებელია. არ შეიძლება, ისტორიული მოედნის ნაცვლად პრიალა მოედანი გაკეთდეს. ჩვენ უკვე მივწერეთ ავსტრიულ კომპანიას და სიმართლე გითხრათ, ერთადერთი იმედი სწორენ ისინი არიან, რადგან მათ იციან კულტურული მემკვიდრეობის ფასი და იმედია, ჩვენ თხოვნას გაითვალისწინებენ“.

მერიის საჯარო განმარტებამდე ისევ სოციალურ ქსელში პარლამენტის განათლებისა და კულტურის კომიტეტის თავმჯდომარის განცხადება გაჩნდა.

„ყველა ჩემ მეგობარს, რომელსაც გონია, რომ თბილისის სიყვარულზე ექსკლუზივი გააჩნია, მოვახსენებ - არანაირი განხილული და დამტკიცებული პროექტი გუდიაშვილის მოედნის რეკონსტრუქციის არ არსებობს. არავინ გუდიაშვილს არ ანგრევს“.

ხელოვნებათმცოდნეები  არქიტექტორთა საიტზე გამოქვეყნებულმა ფოტოებმა გააოცა. მათ აინტერესებთ, რატომ გაჩნდა ჯერ უცხოურ საიტზე გუდიაშვილის მოედნის ესკიზები და შემდეგ მერიის საიტზე განმარტებები.


 

 

 

 

 

 


[1] 2
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC