02:52, Friday, 18.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რუსეთი იმუქრება, რომ საქართველოს ხელისუფლების მაღალჩინოსნების დასასჯელად საერთაშორისო სისხლის სამართლის ინსტიტუტებს გამოიყენებს

27.02.2012
რუსეთის ფედერაციის საგამოძიებო კომიტეტი 2008 წლის აგვისტოს მოვლენების გამოძიებას აგრძელებს. ოფიციალურ ინფორმაციას კომიტეტის ოფიციალური ვებგვერდი ავრცელებს. უწყების ინფორმაციით, გამოძიების მსვლელობისას მიღებულია მტკიცებულებები ე.წ. სამხრეთ ოსეთში პიროვნების, მშვიდობისა და კაცობრიობის უსაფრთხოების წინააღმდეგ განსაკუთრებით მძიმე დანაშაულებში საქართველოს უმაღლესი პოლიტიკური და სამხედრო ხელმძღვანელობის მონაწილეობის შესახებ. აქვე მოყვანილია რუსეთის ფედერაციის სისხლის სამართლის კოდექსის შესაბამისი მუხლები. თუმცა, უწყება ასევე აღნიშნავს, რომ უცხოეთის იურისდიქციისგან სახელმწიფო თანამდებობის პირების დაცვის იმუნიტეტის გამო ამ პირების სისხლის სამართლის პასუხისგებაში მიცემა ვერ ხერხდება.

„ამასთან დაკავშირებით, საგამოძიებო კომიტეტი დგამს ნაბიჯებს, რათა დამნაშავეების დასასჯელად საერთაშორისო სისხლის სამართლის  ინსტიტუტები გამოიყენოს“, -  აცხადებს რუსეთის საგამოძიები კომიტეტი.

უწყება ასევე აცხადებს, რომ ადამიანის უფლებათა ევროსასამართლოში შეტანილ სარჩელში საქართველოს ხელისუფლება რუსეთის ფედერაციას დაუსაბუთებლად ადანაშაულებს, საქართველოსა და სამხრეთ ოსეთში შეიარაღებული კონფლიქტის დროს რუსი სამხედროების მიერ თითქოსდა ჩადენილი დანაშაულების არაეფექტურად გამოძიებაში.

„კონფლიქტის ზონაში დანაშაულების გამოვლინებისა და აღკვეთის დროს, რუსი სამხედროებისა და რუსეთის მოქალაქეებისთვის არანაირი გამონაკლისი არ გაკეთებულა. ამიტომ, საქართველოს მოქალაქეების მიმართ ნებისმიერი დანაშაულის შემთხვევაში აღნიშნულ ქმედებებს დადგენილი წესით დაუყოვნებლივ მიეცემოდა შეფასება. თუმცა, მოწმის სახით ქართველ სამხედროებს, ასევე მშვიდობიან მოსახლეობას, მათ შორის ეთნიკურ ქართველებს, რუსი სამხედრო მოსამსახურეების მართლსაწინააღმდეგო ქმედებების შესახებ არ განუცხადებიათ“, - აცხადებს ვლადიმერ მარკინის უწყება.

კომიტეტი ასევე აღნიშნავს, რომ 2009 წლიდან 2011 წლამდე ამ უწყებაში შევიდა სხვადასხვა უფლებადამცველი ორგანიზაციის საჩივრები შეიარაღებული კონფლიქტის დროს რუსი სამხედროების მიერ ადამიანის უფლებებისა და თავისუფლებების დარღვევების შესახებ;  ყველა მიმართვა სისხლის სამართლის საქმის ფარგლებში მოწმდება. კომიტეტის ინფორმაციით, დამატებითი მასალების მიღების მიზნით საქართველოს კომპეტენტურ ორგანოებს 5 მიმართვა გაუგზავნა, მაგრამ არც ერთ მიმართვაზე პასუხი არ მიუღია.

„თანამშრომლობაზე ქართული მხარის უარის მიუხედავად, საგამოძიებო კომიტეტში საქართველოს მოქალაქეების ყველა განცხადებას და მიმართვას დეტალურად შეამოწმებენ, განხილვის შედეგების მიხედვით მოხდება შესაბამისი სამართლებრივი შეფასება“, - ნათქვამია კომიტეტის ინფორმაციაში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC