ამავე დროს სამობილიზაციო მზადყოფნის შემოწმების მიზნით ან საგანგებო მდგომარეობის და სიტუაციის დროს, თავდაცვის სამინისტროს რეზერვისტების გამოძახების შესაძლებლობა მიეცა. ამასთან დაკავშირებით ცვლილება პარლამენტმა „სამხედრო სარეზერვო სამსახურის“ შესახებ კანონში 2 მარტს მესამე მოსმენით დაამტკიცა.
მიღებული გადაწყვეტილებით, სამობილიზაციო მზადყოფნის შემოწმების, საგანგებო მდგომარეობის და სიტუაციის დროს თავდაცვის სამინისტროს შეეძლება ტექნიკური და კომუნიკაციის სხვა საშულებებით, სარეზერვო სამსახურში გასაწვევად გამოიძახოს ის პირები, რომელთაც სარეზერვო სამსახური გავლილი აქვთ.
ამ შემთხვევაში, თავდაცვის სამინისტრო ვალდებული იქნება, გამოძახებული პირის დამსაქმებელის ინფორმირებას შეუწყოს ხელი, რომ რეზერვისტს ძირითად სამსახურში გამოუცხადებლობა საპატიოდ ჩაეთვალოს.
ამავე ცვლილების მიხედვით გადაწყდა, რომ ასეთი გამოძახების შემთხვევები და შეტყობინების წესი პრეზიდენტის ბრძანებულებით განისაზღვრება, რეზერვისტების შემკრებ პუნქტამდე მიყვანას კი, თავდაცვის სამინისტრო უზრუნველყოფს.
ინტერპრესნიუსი