11:49, Monday, 09.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოლიმპიური სოფლის მშენებლობისთვის ინვესტორს საგადასახადო შეღავათები ექნება

19.04.2012
ოლიმპიური სოფლის მშენებლობისთვის ინვესტორს საგადასახადო შეღავათები ექნება. აღნიშნულ საკითხებს პარლამენტში ინიცირებული "ოლიმპიური მოძრაობის ხელშეწყობის" შესახებ კანონპროექტი ითვალისწინებს.

კანონპროექტის მიხედვით, ინვესტორმა საქართველოში ოლიმპიური სოფელი, აგრეთვე, ოლიმპიადის, მათ შორის ახალგაზრდული ფესტივალის ორგანიზებისთვის აუცილებელი სხვა დამხმარე ნაგებობები მთავრობასთან გაფორმებული ხელშეკრულების საფუძველზე უნდა ააშენოს.

ხელშეკრულებით კი, ინვესტორს შეეძლება, ოლიმპიური სოფლის ტერიტორიაზე თავისუფალი ინდუსტრიული ზონისა და საბაჟო საწყობის სპეციალური სავაჭრო ზონის ფუნქციონირებისთვის აუცილებელი ნაგებობებიც ააშენოს და, შესაბამისად, ასეთი ზონები შექმნას.

ამას გარდა, ინვესტორს შეეძლება, ისარგებლოს ყველა იმ უფლებით, რითაც საქართველოში რეგისტრირებული იურიდიული პირები სარგებლობენ, საჭიროების შემთხვევაში, დამოუკიდებლად განახორციელოს მშენებლობისთვის დამატებითი ინვესტიციების მოზიდვა და სხვა.

ინვესტორს ხელშეკრულებაში თავიდანვე განესაზღვრება, თუ ვის უნდა გადასცეს ოპლიმპიური ნაგებობები უსასყიდლოდ, ოლიმპიადის ჩატარების პერიოდში.

რაც შეეხება საგადასახადო შეღავათებს, ინვესტორი ხელშეკრულებით გათვალისწინებული მშენებლობის დაწყებიდან 10 წლის განმავლობაში გათავისუფლდება დამატებული ღირებულების და იმპორტის გადასახადისგან. კერძოდ, ხელშეკრულებით გათვალისწინებული მშენებლობისთვის საჭირო მანქანა-დანადგარების, ავტოსატრანსპორტო საშუალებების – მსუბუქი მანქანების გარდა და სხვა მექანიკური მოწყობილობების იმპორტისას.

ასევე, ინვესტორი ოლიმპიური სოფლის, ოლიმპიადის ორგანიზებისთვის აუცლებელი სხვა დამხმარე ნაგებობებისა და ხელშკრულებით გათვალისწინებული 5-ვარსკვლავიანი სასტუმროს სრულყოფილი ფუნქციონირებისათვის საჭირო ინვენტარის, ავეჯისა და სხვა მოწყობილობების იმპორტის გადასახადსაც არ გადაიხდის. თუმცა, სასტუმროსთან მიმართებაში, იმ ავეჯისა და მოწყობილობების სიას, რომელთა იმპორტისას შეღავათი იმოქმედებს, მთავრობა განსაზღვრავს.

ინვესტორი გათავისუფლებული იქნება მოგების გადასახადისგან და დივიდენდის დაბეგვრისგან.

ამას გარდა, კანონპროექტში ნათქვამია, რომ ინვესტორს ფინანსთა მინისტრის მიერ დადგენილი წესით დაუბრუნდება საქართველოში შესყიდულ საქონელსა თუ მომსახურებაზე გადახდილი დამატებული ღირებულების გადასახადი. ხოლო, ქონებისა და მიწაზე ქონების გადასახადი იმ ტერიტორიაზე თვითმმართველობის მიერ დადგენილი განაკვეთით დაიბეგრება. თუმცა, ქონების და მიწაზე ქონების გადასახადს ინვესტორი მშენებლობის დაწყებიდან 5 წლის განმავლობაში არ გადაიხდის.

საგადასახადო შეღავათი ექნება ინვესტორის კონტრაქტორსაც, რომელიც უშუალოდ შეასრულებს სამუშაოებს. კონტრაქტორი სამუშაოების წარმოების შედეგად ინვესტორისგან მიღებული/მისაღები ანაზღაურების ნაწილში, მშენებლობის დაწყებიდან 10 წლის განმავლობაში, მოგების გადასახადისგან გათავისუფლდება. თუმცა, 10 წლის შემდეგ ინვესტორს და კონტრაქტორს უფლება არ ექნებათ, წინა პერიოდის აუნაზღაურებელი ზარალი გამოქვითონ.

ინვესტორის მიერ ქონების გასხვისების შემთხვევაში ქონების ახალ მესაკუთრეზე, შეღავათიანი დაბეგვრის რეჟიმი მხოლოდ მშენებლობის პროცესში გავრცელდება.
კანონპროექტის ავტორია ფინანსთა სამინისტრო, ინიციატორი კი - მთავრობა. პროექტის განხილვა პარლამენტს ჯერ არ დაუწყია.

ევროპის ახალგაზრდული ოლიმპიური ფესტივალი თბილისში 2015 წელს უნდა გაიმართოს.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC