11:02, Monday, 26.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თიანეთში სასურსათო პაკეტებს იმ ოჯახებსაც აძლევენ, ვინც სტიქიის შედეგად არ დაზარალებულა

10.08.2012
თიანეთის რაიონის სოფლებში ადგილობრივი ხელისუფლების წარმომადგენლები სასურსათო პაკეტებს არიგებენ. პაკეტებს, რომლებიც მხოლოდ სტიქიით დაზარალებულებისთვის უნდა ყოფილიყო განკუთვნილი, ის მოქალაქეებიც იღებენ, რომლებიც სტიქიის შედეგად არ დაზარალებულან.

პაკეტში 2 ტომარა ფქვილი, 3 ლიტრი ზეთი და 10 კილოგრამი შაქარი შედის. როგორც მცხეთა–მთიანეთის საინფორმაციო ცენტრს თიანეთის რაიონის სოფელ ორხევში მცხოვრებმა ერთ–ერთმა მოქალაქემ განუცხადა, სოფელში, სადაც 200–მდე ოჯახი ცხოვრობს, სტიქიის შედეგად მხოლოდ 12 ოჯახი დაზარალდა, სასურსათო პაკეტი კი თითქმის ყველა ოჯახმა მიიღო. „ჩემი ოჯახი არ დაზარალებულა, მაგრამ ფქვილი, ზეთი და შაქარი ჩვენც მოგვცეს. პროდუქტები თითქმის ყველა ოჯახს მისცეს. ძალიან გამიხარდა და თან გამიკვირდა. უარი არავის უთქვამს. პროდუქტები ყველამ აიღო,“ – აღნიშნა ერთ–ერთმა მოქალაქემ.
 
„სეტყვისა და ქარის გამო არც სოფელი ჟებოტა დაზარალებულა, მაგრამ პროდუქტები აქაც დაარიგეს. თუმცა, სასურსათო პაკეტები ყველა ოჯახისთვის არ დაურიგებიათ. პროდუქტები „ქართული ოცნების“ მხარდამჭერებს არ მისცეს“, – უთხრა მცხეთა–მთიანეთის საინფორმაციო ცენტრს სოფელ ჟებოტას მცხოვრებმა.
 
სტიქიის შედეგად დაზარალებული მოსახლეობისთვის სურსათის შესაძენად თანხა მთავრობის სარეზერვო ფონდიდან გამოიყო. სასურსათო პაკეტებს სოფლებში გამგეობის და საკრებულოს თანამშრომლები არიგებენ, რომლებიც ამავე დროს „ერთიანი ნაციონალური მოძრაობის“ წევრები არიან.
 
ირინე ურუშაძე, „საერთაშორისო გამჭვირვალობა – საქართველოს“ იურისტი: „თუ სტიქიით დაზარალებული მოსახლეობისთვის დახმარებას პოლიტიკური პარტია „ერთიანი ნაციონალური მოძრაობის“ წევრები არიგებენ და დახმარების მიმღებთა შორის არიან ისეთი მოქალაქეებიც, რომლებიც სტიქიის შედეგად არ დაზარალებულან, საქმე გვაქვს ამომრჩეველთა მოსყიდვასთან. ადგილობრივი ხელისუფლების წარმომადგენლებსა და მმართველ პარტიას შორის ზღვარი, ფაქტობრივად, არ არსებობს. თუ დახმარების მიმღებ მოქალაქეებს არჩევენ პოლიტიკური ნიშნით, ეს არის წინასაარჩევნო ქმედება. აქედან გამომდინარე, ეს არის ამომრჩეველთა მოსყიდვა“.
 
შეგახსენებთ, რომ 19 ივლისს მოსული ძლიერი წვიმისა და სეტყვის გამო დაზარალდა თიანეთის რაიონის სოფლები: სიმონიანთხევი, ღულელები, გორანა, ნადოკრა და ნაქალაქარი. როგორც მცხეთა–მთიანეთის საინფორმაციო ცენტრთან საუბარში თიანეთის მუნიციპალიტეტის გამგებელმა გიორგი აბაშვილმა განაცხადა, სტიქიის შედეგად რაიონს 300 000 ლარის ზარალი მიადგა.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC