17:19, Tuesday, 15.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„გურია ნიუსის“ ჟურნალისტს პროფესიული მოვალეობის დროს ხელი შეუშალეს

20.08.2012
18 აგვისტოს პრეზიდენტი სააკაშვილი ლანჩხუთის ორ სოფელს - შუხუთსა და ჩიბათს სტუმრობდა. ადგილობრივმა ჟურნალისტებმა ამ შეხვედრების გადაღება ვერ შეძლეს.

„გურია ნიუსის“ ლანჩხუთის ბიუროს ხელმძღვანელი, ლალი იმედაიშვილი humanrights-თან საუბრისას ყვება: „შუხუთში პრეზიდენტი ხალხს საჯარო სკოლის ეზოში შეხვდა. მე ფოტოაპარატით ეზოში არ შემისვეს, მაგრამ ჩამწერით მოვახერხე შესვლა და პრეზიდენტის სიტყვებს ვიწერდი. ჩემი ოპერატორი, ნოდარ მინაძე კი პერიმეტრს მოშორებული, შუხუთის ადმინისტრაციული შენობის წინ იდგა და იღებდა. როგორც ნოდარმა მითხრა, მას გადაღებაში ხელი შეუშალეს“.

ნოდარ მინაძე: „ვიდექი შუხუთის ადმინისტრაციული შენობის წინ, შემაღლებულ ადგილას და ვიდეოს ვიღებდი. ამ დროს მოვიდა სამოქალაქო ტანსაცმელით ვიღაც მამაკაცი და ფეხით ჩამომათრია მაღლიდან. მითხრა, რომ გადაღება მეკრძალებოდა. არ მივყვებოდი. შენ შენს „მატორზე“ ვერ ხარო და აპარატს მართმევდა. შემიყვანა სკოლის ეზოში, გამომართვა კამერა. ვთხოვე, არ წამართვა და წავშლი–მეთქი. მიყურა, როგორ ვშლიდი გადაღებულ მასალას. მერე თავი დამანება“.

Humanrights.ge-ს ინფორმაციით, „გურია ნიუსს“ პრეზიდენტის პრესსპიკერი, ნათია ბანძელაძე დაუკავშირდა და განუცხადა, რომ ჟურნალისტისთვის ხელი პრეზიდენტის პრესსამსახურს არ შეუშლია. თავად ლალი იმედიაშვილი კი ამბობს, რომ ასევე დაუკავშირდნენ პრეზიდენტის დაცვიდან და მახსოვრობის ბარათის აღდგენას დაპირდნენ.

Humanrights.ge რამდენიმე დღის წინ წერდა, როგორ შეუშალეს ხელი პროფესიული მოვალეობის შესრულების დროს „ინფო 9“–ის ლანჩხუთელ ოპერატორს. დავით ჩავლეიშვილის მუნიციპალიტეტის გამგებლის მდივნის, ნატო ნუცუბიძის მეუღლე ზურაბ კვირკველია ხელითაც კი შეეხო, რის შედეგადაც ჩავლეიშვილმა ფიზიკური ტრავმა მიიღო. უახლესი ინფორმაციით, ამ ფაქტზე რეაგირება მოხდა და ზურაბ კვირკველიას 20-დღიანი ადმნისტრაციული პატიმრობა შეეფარდა.

ნინო მშვიდობაძე, გურია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC