07:54, Monday, 20.01.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ლელა რაზიკაშვილი: „ვაჟაობა მეორედ „ნაციონალურმა მოძრაობამ“ დანიშნა“

22.08.2012
დუშეთის რაიონის სოფელ ჩარგალში, ვაჟა ფშაველას სახლ – მუზეუმში ვაჟაობა წელს მეორედ, 25 აგვისტოს გაიმართება. როგორც მცხეთა – მთიანეთის საინფორმაციო ცენტრს დუშეთის მუნიციპალიტეტის გამგეობის კულტურის სამსახურის უფროსმა მაია ქავთარაძემ განუცხადა, სახალხო დღესასწაული ვაჟაობა დუშეთის გამგეობის ორგანიზებით იმართება.

„14 ივლისს რა ჩატარდა, მე ვერ გეტყვით. საერთოდ აგვისტოში იმართება ხოლმე და დღესასწაულის ორგანიზატორი ყოველთვის ადგილობრივი მუნიციპალიტეტია. წელსაც 25 აგვისტოს არის. ჯერ კიდევ იანვარში იყო გაწერილი გრაფიკში, რომ ვაჟაობა აგვისტოში გაიმართებოდა. დღესასწაული სხვადასხვა ღონისძიებებისგან შედგება. მოეწყობა გამოფენები, იქნება დოღიც“, – აღნიშნა მაია ქავთარაძემ.
 
შეგახსენებთ, ჩარგალში ვაჟაობა წელს ერთხელ, 14 ივლისს უკვე აღნიშნეს. ღონისძიებას „ქართული ოცნების“ ლიდერი ბიძინა ივანიშვილი და ძირითადად „ქართული ოცნების“ წევრები და მხარდამჭერები ესწრებოდნენ.
 
ვაჟა ფშაველას სახლ – მუზეუმის ყოფილი დირექტორის ლელა რაზიკაშვილის განცხადებით, ის თანამდებობიდან სწორედ იმის გამო გაათავისუფლეს, რომ 14 ივლისს, ბიძინა ივანიშვილს უმასპინძლა. „25 აგვისტოს ვაჟაობა „ერთიანმა ნაციონალურმა მოძრაობამ“ დანიშნა“, – განაცხადა ლელა რაზიკაშვილმა.
 
დუშეთის გამგეობის კულტურის სამსახურის უფროსი მაია ქავთარაძე ვერ აკონკრეტებს, 25 აგვისტოს დაგეგმილ ვაჟაობაზე „ნაციონალური მოძრაობის“ აქტივისტებისა და მხარდამჭერების გარდა შეძლებენ თუ არა დასწრებას სხვა პოლიტიკური პარტიების წარმომადგენლებიც.
 
როგორც ცნობილია, ბოლო პერიოდში, დიდგორობაზე, ბეშუმობაზე და ბახმაროში გამართულ დოღზე სამართალდამცავებმა მხოლოდ სახელისუფლებო პარტიის მხარდამჭერები დაუშვეს.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC