ქუთაისის საკრებულომ რიგგარეშე სხდომებზე მორატორიუმი გამოაცხადა. ამის მიზეზი მომავალი საპარლამენტო არჩევნებია.
საკრებულოს რიგგარეშე სხდომების შეჩერების თაობაზე 3 სექტემბერს ქუთაისის საკრებულოს საგანგებოდ გამართულ 39–ე რიგგარეშე სხდომაზე საკრებულოს თავმჯდომარემ, ამირან ხვადაგიანმა განაცხადა.
„ქუთაისის ადგილობრივ თვითმმართველობაში მიმდინარე წლის 1 ოქტომბრამდე საკრებულოს რიგგარეშე სხდომა აღარ გაიმართება. ამის მიზეზი დატვირთული წინასაარჩევნო კამპანიაა“, - აღნიშნა ამირან ხვადაგიანმა.
საკრებულოს რიგგარეშე სხდომები ბოლო პერიოდში ქუთაისის თვითმმართველობის განუყოფელი ნაწილი გახდა. გახშირებული საბიუჯეტო ცვლილებები სწორედ რიგგარეშე სხდომებზე განიხილებოდა და ოპოზიციის წინააღმდეგობის მიხედავად, უმეტესად დადებითად წყდებოდა.
შორენა კაკაბაძე, ქუთაისი