გლდანის მე-8 საპყრობილის პატიმრების ინფორმაციით, ვლადიმერ ბედუკაძე ერთადერთი ადამიანი იყო, რომელიც პატიმრებს ციხეში ადამიანურად ექცეოდა , - ამის შესახებ ჟურნალისტებს ერთ-ერთი პატიმრის მეუღლემ რიგგარეშე პაემნიდან გამოსვლის შემდეგ განუცხადა.
მისი თქმით, პატიმარი მეუღლე აცხადებს, რომ ბედუკაძე მსჯავრდებულებს ზოგჯერ წამლებითა და სიგარეტითაც კი ეხმარებოდა. ციხიდან გამოსული მნახველების თქმით, ამ დროისთვის საპყრობილეში ნორმალური ვითარებაა და პატიმრებს უკვე ჩართული აქვს რადიოც.
პატიმრის ერთ-ერთი ახლობლის ინფორმაციით, რომელმაც ტელეკამერების წინ საუბრისგან თავი შეიკავა, აღნიშნა, რომ ერთ-ერთი პატიმრის თქმით, მას თამაზ თამაზაშვილის წინააღმდეგ ჩვენების მიცემას აიძულებენ.
ამ დროისათვის რეგისტრაცია 2 750 ვიზიტორმა გაიარა, ციხეში შესვლა კი 2 448 ვიზიტორმა შეძლო.
ინტერპრესნიუსი