20:36, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საგამოძიებო სამსახურმა ფარული სატელეფონო საუბრის მოსმენა-ჩაწერების უფლების დამადასტურებელი დოკუმენტაცია გამოაქვეყნა

20.12.2012
 
„ნაციონალური მოძრაობის“ გენერალური მდივანი და ყოფილი პრემიერი ვანო მერაბიშვილი ფინანსთა სამინისტროს საგამოძიებო სამსახურის მიერ მისი სატელეფონო საუბრის ჩანაწერის გამოქვეყნებას იმის დეკლარირებად მიიჩნევს, რომ უსმენენ. 

როგორც მერაბიშვილმა „ნაციონალური მოძრაობის“ ოფისში 20 დეკემბერს გამართულ ბრიფინგზე განაცხადა, შეჩვეულია იმას, რომ ტელეფონში სერიოზულ თემებზე არ უნდა ისაუბროს. 

„ის ჩანაწერი, რომელიც გამოაქვეყნეს სრულიად ეწინააღმდეგებოდა გამოძიების ვერსიას. სატელეფონო ჩანაწერების გამოქვეყნებას და იმას, რომ სერიოზულ თემებზე ტელეფონით არ უნდა ვისაუბრო, კარგა ხანია შეჩვეული ვარ. გარდა ამისა, მას შემდეგ, რაც სახელმწიფო თანამდებობებზე აღარ ვმუშაობ, დასამალი აღარაფერი მაქვს. ყველაფერზე თავისუფლად შემიძლია საუბარი. ამ სატელეფონო ჩანაწერის გამოქვეყნება კი იყო იმის დეკლარირება, რომ გვისმენენ“, - აღნიშნა ვანო მერაბიშვილმა.

ამ განცხადების პარალელურად ფინანსთა სამინისტროს საგამოძიებო სამსახურმა საჯარო გახადა ის საიდუმლო დოკუმენტაცია, რომლის საფუძველზეც საგამოძიებო სამსახურს ფარული სატელეფონო საუბრის მოსმენა-ჩაწერების უფლება მიენიჭა. 

აღნიშნული დოკუმენტაცია წარმოადგენს სასამართლოს, კერძოდ, მოსამართლე ვ. ფუხაშვილის ბრძანებას, რომლის საფუძველზეც ფინანსთა სამინისტროს საგამოძიებო სამსახურს პროკურორ ლ. მარშავას შუამდგომლობის საფუძველზე სატელეფონო საუბრების ფარული მიყურადების და ჩაწერის უფლება შპს „ელენდეფ-სერვისის“ დირექტორის, გიორგი ნემსიწვერიძის ცრუმეწარმეობასთან დაკავშირებული სისხლის სამართლის საქმეზე მიმდინარე გამოძიების ფარგლებში მიენიჭა. მოსამართლის ბრძანების საფუძველზე, აღნიშნული უფლებით სარგებლობა საგამოძიებო სამსახურს 2012 წლის 10 ნოემბრიდან 2013 წლის 10 იანვრამდე შეუძლია. 

საგამოძიებო სამსახურმა კიდევ ერთი დოკუმენტი გამოაქვეყნა, რომლის საფუძველზეც ფარული მოსმენა-ჩაწერის უფლება უწყებამ კახა დამენიას ტელეფონის ნომერზეც მოიპოვა. აღნიშნული დოკუმენტი წარმოადგენს საქალაქო სასამართლოს მოსამართლე ტ. ტაბატაძის ბრძანებას, რომლის მიხედვითაც დაკმაყოფილდა პროკურორ ლ. ფანჩულიძის შუამდგომლობა და საგამოძიებო სამსახურს კახა დამენიას ტელეფონის მოსმენის უფლება მიმდინარე წლის 12 ნოემბრიდან 2013 წლის 12 იანვრამდე მიენიჭა. დოკუმენტის მიხედვით, აღნიშნული შუამდგომლობა პროკურორმა ფანჩულიძემ ნემსიწვერიძის წინააღმდეგ, სისხლის სამართლის საქმეზე დაწყებული გამოძიების ფარგლებში მართლსაწინააღმდეგო საქმიანობის კავშირში მყოფი პირების გამოსავლენად დააყენა.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC