16:30, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პარლამენტში „მაუწყებლობის შესახებ“ კანონში ცვლილებების პროექტთან დაკავშირებით დისკუსია იგეგმება

07.03.2013

თათა კაჭკაჭიშვილი, ქუთაისი. www.media.ge

საპარლამენტო უმრავლესობის წევრი ანი მიროტაძე მიიჩნევს, რომ პარლამენტმა რაც შეიძლება სწრაფად უნდა მიიღოს კანონი საზოგადოებრივი მაუწყებლის შესახებ.

„უმრავლესობა მუშაობს ამ კანონპროექტზე და მნიშვნელოვანია რაც შეიძლება სწრაფად მივიღოთ  კანონი, რომელიც  პოლიტიკური ჩარევისაგან, ფინანსური მაქინაციებისაგან დაიცავს არხს და ჩვენ მივიღებთ საზოგადოებრივ მაუწყებელს ისეთს, როგორიც უნდა იყოს,“- აცხადებს ანი მიროტაძე, ასევე ყოფილი ჟურნალისტი.

„საზოგადოებრივი მაუწყებელი კრიზისშია, მას არ ჰყავს გენერალური დირექტორი და ის გადაწყვეტილება, რომელიც ბორდმა მიიღო, შეიძლებოდა ცოტა მეტად მომზადებული ყოფილიყო, მეორე მხრივ, მინდა განვაცხადო,  რომ საზოგადოებრივი მაუწყებელი უნდა დარჩეს პოლიტიკის მიღმა, მის მართვაში არ უნდა ჩანდეს პოლიტიკური კომპონენტი,“-  აცხადებს პარლამენტის ფრაქცია „ქართული ოცნება- თავისუფალი დემოკრატების“ თავმჯდომარე ირაკლი ჩიქოვანი.

საპარლამენტო უმრავლესობის მსგავსად საზოგადოებრივი მაუწყებლის საქმიანობაში პოლიტიკურ ჩარევას მიზანშეუწონლად მიიჩნევს საპარლამენტო უმცირესობის წარმომადგენელი, ფრაქცია „ერთიანი ნაციონალური მოძრაობის “ თავმჯდომარის მოადგილე ლევან ბეჟაშვილი:

 „ვფიქრობ, რომ ზოგადად პოლიტიკური პარტიების, პარლამენტის, და პოლიტიკური ინსტიტუტების მონაწილეობა საზოგადოებრივი მაუწყებლის და მედიის საქმიანობაში უნდა იყოს ძალიან მინიმალური და უნდა შემოიფარგლებოდეს მხოლოდ საკანონმდებლო საქმიანობით. ამიტომ მნიშვნელოვანია, რომ ნებისმიერი ჩარევა,  ოპოზიცია იქნება თუ ხელისუფლება, უნდა გამოირიცხოს იმისთვის, რომ საზოგადოებრივ მაუწყებელს დამოუკიდებელი საქმიანობის უფლება ჰქონდეს“.

საპარლამენტო უმრავლესობის წარმომადგენლები (GPB)-ში მიმდინარე პროცესების გამოსასწორებლად აუცილებლად მიიჩნევენ „მაუწყებლობის შესახებ“ საქართველოს კანონში ცვლილებებისა და დამატებების შეტანის შესახებ კანონპროექტის განხილვას, მედიაექსპერტების ჯგუფის მიერ შემუშავებული კანონპროექტის  საპარლამენტო კომიტეტებში განხილვის დაწყება უახლოეს მომავალში იგეგმება. მანამდე კი, 7 მარტს პარლამენტში უმრავლესობისა და უმცირესობის წარმომადგენლებთან ერთად  კანონპროექტის ავტორები,  მედიის ადვოკატირების კოალიციის 12 არასამთავრობო ორგანიზაცია და მედიასაშუალების  წარმომადგენლები დისკუსიას გამართავენ,

დისკუსია  პარლამენტის განათლების, მეცნიერებისა და კულტურის კომიტეტის ორგანიზებით იმართება. აღნიშნული კომიტეტია  „მაუწყებლობის შესახებ“ საქართველოს კანონში ცვლილებებისა და დამატებების შეტანის შესახებ კანონპროექტის  ინიციატივის ავტორი.

 როგორც თავად კანონპროექტის ერთ-ერთი ავტორი ზვიად ქორიძე აცხადებს პარლამენტში დისკუსია გაიმართება კანონპროექტზე, როგორც სიტუაციის გამოსწორების მექანიზმზე.  „კანონპროექტი გულისხმობს რეფორმას ორ ეტაპად: თავად საზოგადოებრივი მაუწყებლის, მისი მართვის მექანიზმის დახვეწას, ასევე აჭარის ტელერადიოკომპანიის საზოგადოებრივ მაუწყებლად ჩამოყალიბების საკითხს, რომ ეს ტელერადიოკომპანია უკანონოდ არ ფუნქციონირებდეს. კანონპროექტი ასევე მოიცავს „მასთ ქერის“ მოქმედებისა  და ელექტრონული მედიის ფინანსური გამჭვირვალობის  საკითხებს“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC