04:32, Monday, 25.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

GPB-ის სამეურვეო საბჭომ გიორგი ბარათაშვილს უფლებამოსილება აღუდგინა

30.04.2013
საზოგადოებრივი მაუწყებლის (GPB) სამეურვეო საბჭომ 29 აპრილის გადაწყვეტილებით, მაუწყებლის გენერალური დირექტორის თანამდებობაზე გიორგი ბარათაშვილს უფლებამოსილება აღუდგინა. ამის შესახებ ინფორმაცია მაუწყებელის ვებ-გვერდზეაატვირთული. აქვე აღნიშნულია, რომ აღსრულების ეროვნულმა ბიურომ ბარათაშვილის განცხადება 24 აპრილს დააკმაყოფილა და მაუწყებლის სამეურვეო საბჭოს მისი გენერალური დირექტორის თანამდებობაზე აღდგენა დაავალა.

ბარათაშვილის თანამდებობაზე აღდგენას მხარი საბჭოს 8 წევრმა - მამუკა ფაჩუაშვილმა, დავით კანდელაკმა, ზურაბ დავითაშვილმა, ემზარ გოგუაძემ, ავთანდილ ანთიძემ, ნატალია დვალმა და ლევან გახელაძემ დაუჭირა. ამისა მიუხედავად, შესაძლოა, სამეურვეო საბჭომ სასამართლოს გადაწყვეტილება გაასაჩივროს. ლევან გახელაძის თქმით, გადაწყვეტილების გასაჩივრება დამოკიდებული იქნება სასამართლოს გადაწყვეტილების სამოტივაციო ნაწილზე, საიდანაც საბჭო მიიღებს დასაბუთებულ ინფორმაცია, თუ რა მოტივით იხელმძღვანელა სასამართლომ და იყო თუ არა, პროცედურული შეცდომა, ან სხვა სახის დარღვევა.

"ჩემი აზრით, მოსამართლემ საქმე არსებითად არ განიხილა, მიუდგა ზერელედ და გამოიტანა ზერელე განაჩენი. საქმის არსებით განხილვაზე მოსამართლემ არ გამოიძახა სამეურვეო საბჭოს არცერთი წევრი, რათა მოესმინა ჩვენი მოტივაციისთვის“, - განაცხადა სამეურვეო საბჭოს თავმჯდომარემ ლევან გახელაძემ Media.Ge-სთან საუბრისას.

გიორგი ბარათაშვილი სამეურვეო საბჭომ 2013 4 მარტს გაათავისუფლა თანამდებობიდან. თბილისის საქალაქო სასამართლომ კი 15 აპრილს სრულად დააკმაყოფილა საზოგადოებრივი მაუწყებლის (GPB) ყოფილი გენერალური დირექტორის, გიორგი ბარათაშვილის  სარჩელი - ბათილად ცნო მისი თანამდებობიდან  გადაყენების შესახებ საზოგადოებრივი მაუწყებლის სამეურვეო საბჭოს გადაწყვეტილება და ის თანამდებობაზე აღადგინა.

სასამართლომ, საზოგადოებრივ  მაუწყებელს იმ თანხის ანაზღაურება დააკისრა, რასაც  ბარათაშვილი მიმდინარე წლის 4 მარტიდან თანამდებობაზე აღდგენამდე პერიოდში ხელფასის სახით მიიღებდა.

გელა ბოჩიკაშვილი, Media.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC