Humanrights.ge
ზუგდიდის ოლქის 83-ე უბანზე სპეცსიაში არ იყო შეყვანილი კომისიის რამდენიმე წევრი. კომისიის თავმჯდომარემ განაცხადა , რომ სიაში კალმით გააკეთებდა მინაწერს და ასე ჩაწერდა კომისიის წევრებს. მიუხედავად დამკვირვებლების პროტესტისა, თავმჯდომარემ სიაში კალმით მინაწერი მაინც გააკეთა. ამის შესახებ ადამიანის უფლებათა ცენტრის დამკვირვებელი თამარ ლუკავა იუწყება. ლუკავას თქმით, დარღვევის შესახებ დაიწერა საჩივარი და ინფორმაცია ცესკოს მიაწოდეს: „ცესკო დაგვპირდა დარღვევის დაუყოვნებლივ აღმოფხვრას, ისინი უბანზე მივლენ, შედგება ოქმი და სიაში ხელით მიწერილ ადამიანებს ამოშლიან“ - ამბობს ლუკავა.