23:37, Saturday, 21.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

GPB-ს მეურვის შესარჩევმა კომისიამ კანდიდატთა არჩევის პროცესი შეაჯამა

24.12.2013

 
ნატა ძველიშვილი , www.media.ge

საზოგადოებირვი მაუწყებლის სამეურვეო საბჭოს მეურვის შესარჩევი საკონკურსო კომისიის წევრებმა კანდიდატთა შერჩევის პროცესი 23 დეკემბერს შეაჯამეს. მათ მიერ შერჩეული 27 კანდიდატი უკვე გადაეგზავნა საპარლამენტო უმცირესობასა და უმრავლოსობას, რომლებიც 3-3 წევრს შეარჩევენ, ინფორმაცია მიიღეს სახალხო დამცველის აპარატმა, მისი კვოტით 2 მეურვე შეირჩევა და აჭარის ავტონომიური რესპუბლიკის უმაღლესმა საბჭომ, რომელიც ერთ წევრს შეარჩევს.

კომისიის წევრების თქმით, ისინი მაქსიმალურად შეეცადნენ, რომ პოლიტიკური გავლენებისგან თავისუფალი კანდიდატები შეერჩიათ.

„ჩვენი ამოსავალი იყო ის კრიტერიუმები, რაც არის ერთის მხრივ კანონში გაწერილი ვინ შეიძლება იყოს დამოუკიდებელი საბჭოს წევრი, მეორეს მხრივ, ჩვენ გავითვალისწინეთ ერთი მნიშვნელოვანი პრეცენდენტი, რომელიც დაუშვა თავად პარლამენტმა, როდესაც კომუნიკაციების ეროვნული კომისიის თავმჯდომარის საკითხის განხილვისას განმარტა ვინ შეიძლება იყოს დამოუკიდებელი კომისიის წევრი. ამ განმარტების თანახმად, თუკი პირი მონაწილეობდა და წარმოადგენდა რომელიმე პოლიტიკურ ძალას მიტინგზე, შეხვედრებზე ან არჩევნებში,  ის არ შეიძლება იყოს დამოუკიდებელი კომისიის წევრი“, - აღნიშნა კომისიის წევრმა ია ანთაძემ.

კიდევ ერთმა წევრმა ნათია კუპრაშვილმა კი განმარტა რომ სწორედ ამ მიდგომის გამო ვერ მოხვდა 27 კანდიდატს შორის ერთ ერთი კონკურსანტი მერაბ ქათამაძე, რომელმაც გასაუბრებისას აღნიშნა, რომ ის რეპუბლიკური პარტიის წევრი იყო.

აღსანიშნავია, რომ შერჩეულ კანდიდატებს შორის მოხვდნენ მარინა მუსხელიშვილი და ნათელა სახოკია, რომლებიც საზოგადოებრივი მაუწყებლის მრჩეველთა საბჭოს წევრები არიან. როგორც კომისიის თავმჯდომარე ზვიად ქორიძემ განმარტა, ეს ინფორმაცია მათ ჰქონდათ, არც კანდიდატებს დაუმალავთ და მათი კონცეფციებიც გარკვეულწილად ეფუძნებოდა იმ ცოდნას, რაც მათ ამ საბჭოში ყოფნისას მიიღეს.

„ჩვენ არ გვქონდა არანაირი ფორმალური საფუძველი, რომ კითხვის ნიშნები დაგვესვა იმასთან დაკავშირებით, რომ მათ ჰქონდათ რაიმე ტიპის ინტერესთა კონფლიქტი კანონთან“, - აღნიშნა ზვიად ქორიძემ.

კომისიის წევრების განმარტებით, როგორც სახოკიამ და მუსხელიშვილმა, აგრეთვე იმ კანდიდატებმა, რომელებიც ამ ეტაპზე სხვა მაუწყებლებში მუშაობენ, გამოთქვეს მზადყოფნა, რომ არჩევის შემთხვევაში ამჟამინდელ პოზიციებს დატოვებენ.

სახალხო დამცველი, უმრავლესობა, უმცირესობა და უმაღლესი საბჭო 25 დეკემბრამდე შეარჩევენ წევრებს, რომელთაც შემდეგ პარლამენტი დაამტკიცებს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC