14:48, Sunday, 15.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ეს შენ გეხება“ - აქცია უკანონო მოსმენებისა და თვალთვალის წინააღმდეგ

22.03.2016

 
ქრისტინე პახომოვი

19 მარტს თბილისში კამპანია „ეს შენ გეხებას“ საპროტესტო აქცია გაიმართა. აქციის ორგანიზატორები და მონაწილეები პირადი ცხოვრების ამსახველი ფარული ჩანაწერების გავრცელებას აპროტესტებდნენ. 

„ჩვენ არ გვეხება სხვისი პირადი ცხოვრება, მაგრამ გვეხება ის, რომ ჩვენი რეაქციით ადამიანებს აშინებენ და აშანტაჟებენ“, - ამ წარწერით პლაკატებსა და ბაისურებს ბევრგან ნახავდით აქციაზე. აქციის მონაწილეები კანონის გამკაცრებას და დამნაშავეების დასჯას მოითხოვდნენ.

აქციაში მონაწილეობდნენ კამპანია „ეს შენ გეხებას“ ორგანიზატორი არასამთავრობო ორგანიზაციები და სამოქალაქო სექტორის სხვა წარმომადგენლები. კამპანიას შეუერთდა პროფკავშირების გაერთიანება. საპროტესტო მანიფესტაცია ფილარმონიიდან დაიწყო და სახელმწიფო კანცელარიასთან დასრულდა. გზადაგზა მანიფესტანტებს სოლიდარობის მიზნით მრავალი მოქალაქე შეუერთდა.

აქციაში აქტიურად მონაწილეობდბებ ადამიანის უფლებათა ცენტრის წარმომადგენლები. „დღეს ჩვენ შევახსენებთ მთავრობას, რომ მოაწესრიგოს კანონმდებლობა იმგვარად, რომ საზოგადოება დაცული იყოს პირადი ცხოვრების ამსახველი ჩანაწერების უკანონოდ გავრცელებისგან, შანტაჟისგან. ვიდრე მთავრობა ამ ნაბიჯებს არ გადადგამ, ყოველთვის, როდესაც ქვეყანაში ასეთი უკანონობა მოხდება - გავრცელდება პირადი ცხოვრების ამსახველი ფარული ჩანაწერები, მთავარი ეჭვმიტანილად ყოველთვის აღიქმება ის სამინისტროები, რომლებსაც დღეს ხელი მიუწვდებათ მოქალაქეთა თვალთვალსა და მოსმენებზე. ამავე დროს, ამ აქციით ჩვენ შევახსენებთ საზოგადოების თითოეულ წევრს, რომ ეს პრობლემები ყველას ეხება, მიუხედავად იმისა, კონკრეტულად ვის წინააღმდეგ ვრცელდება ფარული ჩანაწერები“, - განაცხადა ადამიანის უფლებათა ცენტრის აღმასრულებელმა დირექტორმა, ალეკო ცქიტიშვილმა.

„ჩვენ გვეხება ის, რომ შეიძლება, უკანონოდ გვითვალთვალებენ, ასევე ის, რომ შეიძლება, რომელიღაც ჯგუფმა ადამიანები დააშინოს. ჩვენ ვეუბნებით უკანონო მოსმენებსა და თვალთვალს არას!“ - განაცხადა „საერთაშორისო გამჭვირვალობა - საქართველოს“ ხელმძღვანელმა, ეკა გიგაურმა.

„ჩვენი უფლებები არ შეიძლება იყოს შელახული. პირადი ცხოვრება უნდა იყოს დაცული, ამაზე კი უნდა იზრუნოს სახელმწიფომ. ჩვენი პროტესტი ეხება ყველას. ეხება იმ იატაკქვეშეთა ჯგუფებს, რომლებიც ჩვენს მანიპულირებას ცდილობენ. ცდილობენ, მოახდინონ სახელმწიფოსა და საზოგადოების შანტაჟი. ეს ყველაფერი გვეხება ჩვენ, ამის გათვალისწინებით, უკანონო მოსმენებს არა“,  - განუცხადა საზოგადოებას არასამთავრობო ორგანიზაცია CIDA-ს აღმასრულებელმა დირექტორმა ზვიად დევდარიანმა.

პარალელურ რეჟიმში საპროტესტო აქცია  - „ეს შენ გეხება“ მიმდინარეობდა რეგიონებში - გორში, ქუთაისში, ზუგდიდსა და ბათუმშიც.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC