20:35, Thursday, 19.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

არასამთავრობო ორგანიზაციების წარმომადგენლები ჰააგაში რომის სტატუტის წევრი სახელმწიფოების ასამბლეას (ASP) დაესწრნენ

21.11.2016

 
15-19  ნოემბერს ჰააგაში რომის სტატუტის წევრი სახელმწიფოების ასამბლეას საქართველოდან არასამთავრობო ორგანიზაციების წარმომადგენლები ესწრებოდნენ. ადამიანის უფლებათა ცენტრის, საქართველოს ახალგაზრდა იურისტთა ასოციაციის, „კონსტიტუციის 42-ე მუხლისა და ფონდი „ღია საზოგადოება - საქართველოს“ წარმომადგენლებმა შეხვედრები გამართეს სისხლის სამართლის საერთაშორისო სასამართლოს პროკურატურის ოფისთან, პროკურორთან, რეგისტრატურასთან და საზოგადოებასთან ურთიერთობის განყოფილებასთან. 

არასამთავრობო ორგანიზაციების წარმომადგენლები შეხვედრებზე აქცენტს აკეთებდნენ 2008 წლის აგვისტოს ომის ყოველმხრივი გამოძიების წარმოების, დაზარალებულთა ჩართულობისა და ინფორმირების  აუცილებლობაზე, ქართული არასამთავრობო სექტორის ჩართულობაზე გამოძიების პროცესში. ამასთანავე, მათ ისაუბრეს რისკებზე. 

კერძოდ, სისხლის სამართლის საერთაშორისო სასამართლოს პროკურატურას რუსეთი უარს ეუბნება თანამშრომლობაზე და დე-ფაქტო სამხრეთ ოსეთის ტერიტორიაზე სისხლის სამართლის საერთაშორისო სასამართლოს პროკურატურას არა აქვს შესვლის შესაძლებლობა გამოძიების საწარმოებლად. ასეთ ვითარებაში არსებობს საფრთხე, ობიექტური გარემოებებიდან გამომდინარე, 2008 წლის აგვისტოს ომის დანაშაულები პროკურატურამ გამოიძიოს ცალმხრივად, მხოლოდ საქართველოს იურისდიქციის ქვეშ მყოფ ტერიტორიაზე. გამოძიების ამ ეტაპზე, სასამართლოსთან, ფაქტობრივად, თანამშრომლობს მხოლოდ ქართული მხარე, რომელიც რომის სტატუტის წევრი სახელმწიფოა.

არსებული გამოწვევების მიუხედავად, სისხლის სამართლის საერთაშორისო სასამართლო მომავალი წლიდან აქტიურ მოქმედებებს გეგმავს საქართველოში, მათ შორის მნიშვნელოვანი ნაბიჯი იქნება ადგილობრივი წარმომადგენლობის გახსნა, სადაც სასამართლოს საზოგადოებასთან ურთიერთობის განყოფილების თანამშრომლები იმუშავებენ.

რომის სტატუტის წევრი სახელმწიფოების ასამბლეაში არასამთავრობო ორგანიზაციების მონაწილეობა  შესაძლებელი გახდა ფონდ „ღია საზოგადოება - საქართველოს“ მხარდაჭერით.

 ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC