15:51, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უზენაესი სასამართლოს თავმჯდომარე მოწმის დაკითხვის ახალი წესის კვლევას ხელს შეუწყობს

11.01.2017

 
ადამიანის უფლებათა ცენტრის წარმომადგენლები საქართველოს უზენაესი სასამართლოს თავმჯდომარეს, ნინო გვენეტაძეს შეხვდნენ და მოწმის დაკითხვის ახალი წესის პრაქტიკაში განხორციელების საკითხებზე მისი მოსაზრებები მოისმინეს.

ადამიანის უფლებათა ცენტრი მოწმის დაკითხვის ახალი წესის პრაქტიკაში განხორციელების საკითხებს იკვლევს. კვლევის მიზანია, ხელი შეუწყოს მოწმის დაკითხვის ახალი წესის გამჭვირვალე და ეფექტურ ფუნქციონირებას. კვლევის საფუძველზე გამოვლინდება მოწმის დაკითხვის ახალი  წესის  დადებითი და უარყოფითი მხარეები. პრობლემების იდენტიფიცირების შემდგომ ადამიანის უფლებათა ცენტრი შეიმუშავებს რეკომენდაციებს, რომელთა ადვოკატირებასაც განახორციელებს შესაბამის უწყებებთან.

2016 წლის 20 თებერვალს ძალაში შევიდა მოწმის დაკითხვის ახალი წესი, რომელიც მოწმის მაგისტრატ მოსამართლესთან სავალდებულო დაკითხვას გულისხმობს. ადამიანის უფლებათა ცენტრის კვლევის მიმდინარეობისას გამოიკვეთა ტენდენცია, რომ მოსამართლესთან მოწმის დაკითხვის პრაქტიკა ძალიან მწირია, რაც გარკვეულ კითხვებს აჩენს. საქართველოს უზენაესი სასამართლოდან მიღებული ინფორმაციის თანახმად, 2016 წლის 1 მარტიდან 16 სექტემბრამდე, ახალი წესით მაგისტრატ მოსამართლესთან დაიკითხვის მხოლოდ 20 შემთხვევა დაფიქსირდა. აქედან 13 შემთხვევაში მოწმე ახალი წესით თბილისის საქალაქო სასამართლოში დაიკითხა. 

უზენაესი სასამართლოს თავმჯდომარემ, ნინო გვენეტაძემ ადამიანის უფლებათა ცენტრის წარმომადგენლებთან შეხვედრისას აღნიშნა, რომ სასამართლო სისტემა მომზადებული შეხვდა მოწმის დაკითხვის ახალი წესის ამოქმედებას. ამავე დროს, კანონის ახალი ნორმების ამოქმედების დღიდან მოსამართლეებთან ბევრად უფრო მეტი მოწმის დაკითხვის მოლოდინი არსებობდა. მწირი პრაქტიკა ნამდვილად აჩენს კითხვებს, რაც შესაძლოა, უკავშირდებოდეს ახალ წესთან დაკავშირებული პროცედურების თაობაზე ინფორმაციის ნაკლებობას საზოგადოებაში. 

ნინო გვენეტაძე ადამიანის უფლებათა ცენტრს კვლევის განხორციელების პროცესში მხარდაჭერას დაპირდა. უზენაესი სასამართლოს საკონსულტაციო საბჭო მოწმის დაკითხვის ახალი წესის პრაქტიკაში განხორციელების საკითხებზე შესაბამისი პრაქტიკის მქონე მოსამართლეებს მოიწვევს და დისკუსიის ფორმატში მათ მოსაზრებებს ამ თემით დაინტერესებული არასამთავრობო ორგანიზაციების წარმომადგენლებს გააცნობს.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC