02:06, Friday, 20.04.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი პროკურატურის მანკიერ პრაქტიკას ეხმაურება

15.06.2017

ადამიანის უფლებათა ცენტრის მოთხოვნით, გამოძიება განახლდა პოლიციელთა მიერ  ნაცემი მოქალაქის საქმეზე, მაგრამ  პროკურატურამ გამოძიება იმავე გამომძიებელს დაავალა, რომელმაც მანამდე აღნიშნული  საქმის  გამოძიება არასრულყოფილად და სუბიექტურად აწარმოა, რის შემდეგაც პროკურორის დადგენილებით საქმე შეწყდა.  

ლ.შ.-ს საქმე არის კიდევ ერთი დადასტურება, რომ სამართალდამცველთა მიერ ჩადენილი დანაშაულების ეფექტიანი გამოძიება შეუძლებელია არსებული სისტემით და ამ მიზნით აუცილებელია დამოუკიდებელი საგამოძიებო ორგანოს შექმნა.
 
2013 წლის 24 დეკემბერს, რუსთავის შს სამმართველოს მე-3 განყოფილების თანამშრომლებმა დაკავებისას მოქალაქე ლ.შ.-ს ფიზიკური და სიტყვიერი  შეურაცხყოფა მიაყენეს. შემდგომში, მსჯავრდებული ლ.შ. პროკურატურისთვის მიცემულ ახსნა-განმარტებაში მიუთითებდა რუსთავის პოლიციის №3 განყოფილების თანამშრომელთა სახელებსა და გვარებს, რომლებიც მონაწილეობდნენ მის მიმართ განხორციელებულ არაადამიანურ მოპყრობაში. ამის მიუხედავად, გამოძიება წარიმართა არასრულყოფილად, არ შესწავლილა ერთობლიობაში საქმის გარემოებები, მტკიცებულებები, მოწმეთა ჩვენებები და ბოლოს, 2014 წლის 15 მარტს, საქმის ზედამხედველმა პროკურორმა  მიიღო დადგენილება სისხლის სამართლის საქმეზე გამოძიების შეწყვეტის შესახებ.
 
2016 წელს ადამიანის უფლებათა ცენტრმა მიმართა პროკურატურას და მიუთითა, რომ საგამოძიებო ორგანოების მიერ არ შესწავლილა მთელი რიგი მტკიცებულებები, რაც სისხლის სამართლის საქმეზე განსხვავებული გადაწყვეტილების მიღების საფუძველი იქნებოდა. ორგანიზაციამ მიუთითა, რომ ახლადგამოვლენილი გარემოებების გამო (მოწმის ჩვენება) და სხვა მტკიცებულებათა ერთობლიობით, აუცილებელი იყო საქმის ხელახალი გამოძიება. 

ადამიანის უფლებათა ცენტრის მოთხოვნის საფუძველზე გაუქმდა სისხლის სამართლის საქმის შეწყვეტის შესახებ დადგენილება და  გამოძიება განახლდა. მიუხედავად იმისა, რომ ცენტრმა მიმართა მთავარ პროკურატურას, რათა ამ  სისხლის სამართლის საქმეზე გამოძიება არ ეწარმოებინა იმავე გამომძიებელს,   პროკურატურა დღემდე უარს აცხადებს შეცვალოს გამომძიებელი და საქმე გადაეცეს სხვას, რომელიც არ იქნება პირდაპირ თუ ირიბად გამოძიების შედეგით დაინტერესებული.

პროკურატურაში არსებული მანკიერი პრაქტიკა გვიჩვენებს, რომ აუცილებელია სისტემური ცვლილება, კერძოდ - დამოუკიდებელი საგამოძიებო ორგანოს შექმნა, რომელიც სამართალდამცველთა მიერ ჩადენილ დანაშაულებს გამოიძიებს.
 
ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
სასჯელაღსრულებისა და პრობაციის სამინისტროს მსჯავრდებულის სასარგებლოდ 25 000 ლარის გადახდა დაეკისრა
გორის თვითმმართველობა 13 700 ლარს 43 საჯარო მოხელის კვალიფიკაციის ასამაღლებლად გადაიხდის
ადვოკატ გიორგი მდინარაძის საქმეზე საპელაციო სასამართლოს გადაწყვეტილება პოლიციელთა მხრიდან ძალადობას წაახალისებს
ადამიანის უფლებათა ცენტრის იურისტი ხორავას ქუჩაზე მოკლული არასრულწლოვნების საქმის სასამართლო განხილვას დაესწრება
სისხლის სამართლის საერთაშორისო სასამართლოსთვის კოალიციის წევრმა ორგანიზაციებმა საინფორმაციო შეხვედრები და დაზარალებულთა საჭიროებების კვლევა დაიწყეს
არქივი
გამოკითხვა
როგორ შეაფასებთ თბილისის ახალი მერის მუშაობას?
დადებითად უარყოფითად ამ ეტაპზე თავს შევიკავებ

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC