07:05, Tuesday, 17.10.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

1–ლი აპრილიდან 10 ივნისის ჩათვლით კახეთში 27 სოფელი დაისეტყვა

16.06.2017

 
reginfo.ge

10 ივნისს მოსულმა ძლიერმა სეტყვამ საგარეჯოს რაიონის სოფლები გიორგიწმინდა და ნინოწმინდა დააზარალა. როგორც „რეგინფოს“ სოფელ ნინოწმინდაში გამგებლის წარმომადგენელმა თამარ გარსევანიშვილმა უთხრა, სეტყვამ ვენახები, ხეხილი, ბოსტნეული და მარცვლეული კულტურები 100% - ით გაანადგურა.

„ძლიერი სეტყვა დაახლოებით 15 წუთი გაგრძელდა. ქარიც იყო. რაკეტებს ისროდნენ, მაგრამ არაფერი ეშველა“,- აღნიშნა თამარ გარსევანიშვილმა.

სოფელ გიორგიწმინდაში საგარეჯოს გამგებლის წარმომადგენლის გიორგი ჭიაბერაშვილის ინფორმაციით, სეტყვამ სოფლის თავში ვენახები და ბოსტნეული დაახლოებით 80%-ით დააზიანა.

კახეთში სეტყვის საწინააღმდეგო სისტემა, რომელსაც თავდაცვის სამინისტროს დაქვემდებარებაში არსებული კომპანია, სახელმწიფო სამხედრო სამეცნიერო ტექნიკური ცენტრი „დელტა“ მართავს, 1-ლი აპრილიდან მუშაობს და ოფიციალური ინფორმაციით, სეტყვასაშიში ღრუბლების გასანეიტრალებლად რაკეტებს ისვრიან. მიუხედავად ამისა, ორ თვეში რეგიონში 30-მდე სოფელი დაისეტყვა.

28 მაისს, სეტყვა სიღნაღის მუნიციპალიტეტის სოფლებში ჯუგაანში, ტიბაანსა და ბოდბისხევში მოვიდა, რის შედეგადაც ბოსტნეულისა და ვენახების 70-80% განადგურდა.

20 მაისს, საღამოს მოსულმა ძლიერმა სეტყვამ გურჯაანის რაიონის სოფლები ჭანდარი, ვეჯინი, ძირკოკი, ბაკურციხე და კოლაგი დააზარალა. განსაკუთრებით დაისეტყვა სოფელი ვეჯინი, სადაც მოსავალი 50-დან 60%-მდე განადგურდა.
იმავე დღეს სეტყვამ ლაგოდეხის მუნიციპალიტეტის სოფლებში საქობოსა და ჩადუნიანში საზამთროს ბაღები, ვენახები და ბოსტნეული კულტურები გაანადგურა. სტიქიით დაზარალებულმა მოსახლეობამ ზიანის ანაზღაურების მოთხოვნით ლაგოდეხი–თბილისის ცენტრალური გზაც გადაკეტა.

20 მაისს დაისეტყვა თელავის მუნიციპალიტეტის სოფლები ნაფარეული, რუისპირი და იყალთო. ძირითადად ვენახები და მარწყვის მოსავალი დაზიანდა.
 
14 მაისს გურჯაანის მუნიციპალიტეტში სოფლები ჩალაუბანი, მელაანი, არაშენდა და ჯიმითი დაისეტყვა. 7-8 მაისს ძლიერმა სეტყვამ კი ახმეტის და გურჯაანის რაიონებში 8 სოფელი დააზარალა. ახმეტაში დაისეტყვა სოფლები ქისტაური, ახშანი, ზემო ხოდაშენი და ჩაბინაანი, გურჯაანში - მუკუზანი, ველისციხე, ახაშენი და ჩუმლაყის ნაწილი.

სეტყვის საწინააღმდეგო სისტემა კახეთში 2015 წელს დამონტაჟდა, რაზედაც 15 მილონ ლარზე მეტი დაიხარჯა. სისტემის შექმნის უმთავრესი მიზანი კახეთის რეგიონში 600 000 ათასი ჰექტარი სახნავ-სათესი მიწის სეტყვისგან დაცვაა.

სეტყვის აღმკვეთი სამუშაოების მიზანი ძირითადად დაღმავალი სეტყვის მარცვლების ზომაში შემცირება, ან მათი გარდაქმნა და წვიმის წვეთებად შეცვლაა, ღრუბლების განსაზღვრულ სფეროებში სპეციალური რეაგენტის (ვერცხლის იოდიდი) გაფანტვით, მანამ სანამ მოხდება სეტყვის მარცვლების ფორმირება.

მსგავსი სახის სამუშაოები მიმდინარეობს კიდევ რამდენიმე ქვეყანაში, მათ შორის: ბულგარეთში, ჩინეთში, არგენტინაში და სხვაგან.

დღეისათვის სეტყვისგან დასაცავად კახეთის რეგიონში განთავსებულია 80 ერთეული სარაკეტო გამშვები დანადგარი.

სეტყვის საწინააღმდეგო სისტემამ საქართველოში მუშაობა 25 წლის წინ შეწყვიტა. მაშინდელი სისტემა „ალაზანი“, რომელიც 1960 წლიდან 1990 წლამდე მუშაობდა, წარმოადგენდა პრიმიტიული ტექნოლოგიებით შექმნილ სისტემას, რომლის მუშაობის ეფექტურობა არც ისე მაღალი იყო, მუშაობის შემდეგ კი იწვევდა მოსავლის ქიმიურ დაბინძურებას ტყვიის იოდიდით.
 
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC