00:16, Monday, 25.09.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მატანში მე–18 საუკუნის ეკლესიას ბეტონის შემოსავლელი უნებართვოდ მიაშენეს

31.08.2017

 
Reginfo.ge
 
ახმეტის რაიონის სოფელ მატანში, ჩოლოყაშვილების საგვარეულო ციხე სამაგრის ეზოში მდებარე მე–18 საუკუნის ეკლესიას, რომელსაც კულტურული მემკვიდრეობის ძეგლის სტატუსი აქვს, ადგილობრივებმა ალავერდის ეპარქიასთან შეთანხმებით ბეტონის შემოსავლელი და კიბეები უნებართვოდ მიაშენეს. შემოსავლელის სიგანე თითქმის 2 მეტრია, სიმაღლე კი შესასვლელის მხრიდან დაახლოებით 1 მეტრი.
 
როგორც „რეგინფოს“ ახმეტის მუნიციპალიტეტის ძეგლთა დაცვის სპეციალისტმა ელდარ ჭიჭიაშვილმა განუცხადა, ადგილობრივები უკმაყოფილებას გამოთქვამდნენ, რომ წირვა–ლოცვისას როცა ეკლესიის გარშემო შემოვლა უხდებოდათ, ნაწვიმარზე, მიწაზე ფეხი უსხლტებოდათ. ბეტონის შემოსავლელის მიშენებამდე ეკლესიის გარშემო მწვანე მინდორი იყო.
 
„ახალი მიშენების მიზეზად ასევე ასახელებენ იმას, რომ წვიმის დროს ეკლესიაში წყალი შედიოდა. წყლისგან დაცვა სხვაგვარადაც შეიძლებოდა, ამგვარი მიშენების გარეშე, რომელმაც ძეგლს პირვანდელი სახე დაუკარგა“, – აღნიშნავს ელდარ ჭიჭიაშვილი.
 
მისივე თქმით, მშნებლობის დაწყებიდან დამთავრებამდე პერიოდში, რაც ერთ თვეს გაგრძელდა, კულტურული მემკიდრეობის დაცვის სააგენტოს რამდენჯერმე მიმართა და ადგილზე სპეციალისტების ჩასვლა ითხოვა.
 
„როგორც კი გავიგე, რომ აქ მშენებლობა მიდიოდა, მაშინვე ვაცნობე სააგენტოს ამის შესახებ და მას შემდეგაც არაერთხელ დავუკავშირდი, რომ სპეციალისტები გამოეგზავნათ. მპირდებოდნენ, რომ ჩამოვალთ, ჩამოვალთ, მაგრამ მშენებლობა ისე დასრულდა, რომ არავინ ჩამოსულა. როცა ასეთ ღონისძიებას აკეთებს ის, ვისაც უნდა, რომ ტაძარს რამე შემატოს, ამას უფრო კომპეტენტური ადამიანები უნდა განიხილავდნენ და წყვეტდნენ“, – აღნიშნავს ელდარ ჭიჭიაშვილი.

სამშენებლო სამუშაოებს ალავერდიის ეპარქიის წარმომადგენლები ხელმძღვანელობდნენ. ეპისკოპოსმა დავითმა ამ საკითხზე კომენტარი არ გააკეთა.
 
„რეგინფოს“ ინფორმაციით მშენებლობა არ ყოფილა შეთანხმებული კულტურული მემკვიდრეობის დაცვის ეროვნულ სააგენტოსთან და არც შესაბამისი ნებართვა არსებობს.
 
კითხვაზე, რატომ არ ჩავიდნენ სააგენტოს სპეციალისტები მატანში ძეგლზე უკანონო მიშენების შესახებ ინფორმაციის მიღებისთანავე, სააგენტოს საზოგადოებასთან ურთიერთობის სამსახურის წარმომადგენელი ბექა ბარამიძე განმარტავს: „მანდ პრობლემა იყო, რომ წყალი შედიოდა ეკლესიაში. არ ყოფილა შეთანხმებული მშენებლობა. არც ნებართვა არსებობს. პირვანდელი სახეც დამახინჯდა, მაგრამ სასულიერო პირებთან შევთანხმდით, რომ რეკონსტრუქციის პროექტი შემუშავდება და ყველაფერს გაითვალისწინებენ“.
 


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC