00:16, Monday, 25.09.2017
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველმა ოჯახში ძალადობის საქმეებზე არაეფექტური რეაგირების გამო შსს-ს რეკომენდაციით მიმართა

05.09.2017

 
Ombudsman.ge

2017 წლის 16 აგვისტოს საქართველოს სახალხო დამცველმა ოჯახში ძალადობის ორ საქმეზე არაეფექტური რეაგირების გამო რეკომენდაციით მიმართა საქართველოს შინაგან საქმეთა სამინისტროს. 

ერთ-ერთი საქმე შეეხება ს.ს.-ს მიმართ ოჯახის წევრების მხრიდან განხორციელებულ ძალადობას. განმცხადებელი უთითებდა ფიზიკური, ფსიქოლოგიური, ეკონომიკური ძალადობისა და სიცოცხლის ხელყოფის მუქარის ფაქტების შესახებ, რასთან დაკავშირებითაც პოლიცია ინფორმირებული იყო. საქმის შესწავლისას გამოვლინდა, რომ საქართველოს შინაგან საქმეთა სამინისტრომ ძალადობის ფაქტები მხოლოდ ზედაპირულად შეისწავლა; ასევე, სრულიად უგულებელყო სასამართლოს მიღებული გადაწყვეტილებები შემაკავებელი და დამცავი ორდერების თაობაზე და არ ახორციელებდა მათ შემდგომ მონიტორინგს. მონიტორინგის განუხორციელებლობის გამო, შემაკავებელი და დამცავი ორდერის გამოწერამ აზრი დაკარგა და ძალადობა არ იქნა აღმოფხვრილი.

მეორე საქმე შეეხება გ.ი.-ს მხრიდან სისტემატიურ ოჯახში ძალადობას. მოცემულ საქმეში პოლიციის წარმომადგენელებს გაუჭირდათ ეკონომიკური ძალადობის და მუქარის იდენტიფიცირება. საქმის შესწავლის შედეგად დადგინდა, რომ პოლიციის მიერ დაცვის მხოლოდ ადმინისტრაციული მექანიზმები იქნა გამოყენებული, რაც ოჯახის წევრთა უსაფრთხოების დაცვას ვერ უზრუნველყოფდა მექანიზმების არათანმიმდევრული ხასიათის გამო.

რეკომენდაციით საქართველოს სახალხო დამცველმა მოითხოვა საქმეების საფუძვლიანად შესწავლა და ქმედითი ღონისძიებების გატარება ოჯახის წევრთა დასაცავად. ასევე, სამინისტროს ეთხოვა, საქართველოს სახალხო დამცველს დროულად და სრულყოფილად მიეწოდოს ქალთა მიმართ და ოჯახში ძალადობის საქმეებზე გამოთხოვილ ინფორმაციებზე პასუხი, რადგან ხშირად არასრულად და დაგვიანებით მოწოდებული ინფორმაცია ხელისშემშლელია ძალადობის შემთხვევებზე ეფექტური რეაგირების განსახორციელებლად.

საქართველოს სახალხო დამცველი იმედოვნებს, რომ საქართველოს შინაგან საქმეთა სამინისტრო დროულად განახორციელებს რეაგირებას. 
 

ორიგინალი
 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორი წესით უნდა მოხდეს საქართველოს პრეზიდენტის არჩევა?
პირდაპირი არჩევნების გზით (ხალხის მიერ) არაპირდაპირი არჩევნების გზით (საქართველოს პარლამენტის მიერ)

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2017 HRIDC