21:15, Friday, 20.07.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ბექა შატაკიშვილის ახლობლები დროულ და სამართლიან გამოძიებას მოითხოვენ

28.11.2017

 
 ლადო ბიჭაშვილი, შიდა ქართლი 

ბათუმში სასტუმრო ,,ლეოგრანდში" ხანძრის შედეგად 11 ადამიანი გარდაიცვალა. გარდაცვლილებს შორის ერთი ირანის მოქალაქე იყო,  10 კი - ქართველი, მათგან ერთი გორელი,  22 წლის ბექა შატაკიშვილი იყო, რომლის ცხედარი გორში 26 ნოემბერს გადმოასვენეს. 

ბექა შატაკიშვილი ბათუმის სასულიერო სემინარიაში სწავლობდა და ღვთისმშობლის სახელობის ტაძრის სტიქაროსანი იყო. არსებული ინფორმაციით, ბექა შატაკიშვილის გარდაცვალება ხანძრის დროს წარმოქმნილმა კვამლმა გამოიწვია.
 
ვერა ვართუმაშვილი გარდაცვლილის ოჯახის ახლობელი: ,,ბოლოს ბექამ დედას დაურეკა. დე, მგონი, ვკვდები, ვიხრჩობიო. მეტი ვერაფრის თქმა ვეღარ მოასწრო. დედამისი მაშინვე წავიდა ბათუმში, საავადმყოფოებსა და მის საცხოვრებელ სახლში ეძებდა. შემდეგ მორგში მივიდა იქაც ვერ ნახა. მოგვიანებით სასულიერო პირები დაუკავშირდნენ და უთხრეს, რომ ბექა გარდაცვლილი იყო. იგი სამი საათის განმავლობაში ეძებდა შვილს ბათუმში. სად გარდაიცვალა ისიც არ არის დადგენილი- საცურაო აუზში თუ ლიფტში“.

გარდაცვლილის ახლობლები საქმის ობიექტურ და დროულ გამოძიებას მოითხოვენ. მათ ეჭვი აქვთ, რომ სასტუმროში უსაფრთხოების ზომები სათანადოდ არ იყო დაცული, წინააღმდეგ შემთხვევაში, მათი თქმით, ხანძრის ეპიცენტრში მყოფი პირები შენობიდან გამოსვლას  შეძლებდნენ.

,,გამოძიება მიმდინარეობს. გარდაცვლილის დედას ნივთები და ტელეფონი არ მისცეს, გამოძიების შემდეგ დაგიბრუნებთ ყველაფერსო, სხვა მეტი არაფერია ჩვენთვის ცნობილი. უნდა გამოიძიონ 11 კაცის მკვლელობა, ეს კი  ტერაქტის ტოლფასია. არ დავტოვებთ უყურადღებოდ ამ საქმეს და  სამართლიან, დროულ გამოძიებას მოვითხოვთ. ერთადერთი შვილი მოუკვდა დედას", – აღნიშნა humanrights.ge-სთან საუბრისას ვერა ვართუმაშვილმა.

შსს-ს ინფორმაციით, მომხდარ ფაქტთან დაკავშირებით გამოძიება საქართველოს სსკ-ის 243-ე მუხლის მე-3 ნაწილით მიმდინარეობს, რაც გულისხმობს სახანძრო უსაფრთხოების წესის დარღვევას – სახანძრო უსაფრთხოების წესის დარღვევა იმის მიერ, ვისაც ამ წესის დაცვა ევალებოდა, რამაც გამოიწვია ორი ან მეტი ადამიანის სიცოცხლის მოსპობა ან სხვა მძიმე შედეგი. 

ბათუმში მომხდარი ტრაგედიის გამო 27 ნოემბერი, საქართველოში, გლოვის დღედ გამოცხადდა.

ბათუმში მოხდარი ტრაგედიის სიმბოლო  სასტუმროს დაბზარული მინა გახდა.  ხანძრის ეპიცენტრში მყოფი პირები გადარჩენას მინის ჩამტვრევით ცდილობდნენ, თუმცა მინა მხოლოდ გაიბზარა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC