22:23, Sunday, 21.10.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ლიკვიდირებულის ფოტოდან ახლობლებმა ახმედ ჩატაევი ამოიცნეს

28.11.2017

 
Reginfo.ge

მედიით გავრცელებული ფოტოდან, რომელზეც თბილისში ჩატარებული სპეცოპერაციისას აფეთქების შედეგად შეიარაღებული ჯგუფის ერთ-ერთი წევრის დანაწევრებული სხეულია ასახული, ახლობლებმა ახმედ ჩატაევი ამოიცნეს.

„ცხედარი სასტიკად არის დაზიანებული, მაგრამ თავის, ყურის და პროთეზის, ასევე იმ ინფორმაციის მიხედვით, რომლის მოპოვებაც ჩვენ შევძელით, ის ნამდვილად ახმედია. როგორც გამოვარკვიეთ, ის საქართველოში დიდი ხნის შემოსული არ არის. დაახლოებით ერთ თვეზე მეტია აქ იმყოფებოდა, რამდენიმე თანამებრძოლთან ერთად. ისინი აპირებდნენ საქართველოში გამოეზამთრებინათ, რის შემდეგაც აქედან გასვლას და „კავკასიის იმირატში“ დაბრუნებას გეგმავდნენ“, - უთხრეს ჩატაევის ახლობლებმა „რეგინფოს“.

„რეგინფო“ დაინტერესდა, იმ შემთხვევაში თუ ექსპერტიზის შედეგად დადასტურდა, რომ ერთ-ერთი ლიკვიდირებული ნამდვილად ახმედ ჩატაევია, დაკრძალავენ თუ არა მას პანკისის ხეობაში, სადაც მისი მეუღლე და მცირეწლოვანი შვილი ცხოვრობენ. ახლობლების თქმით, მუსლიმური წესის მიხედვით, ისინი მუსლიმურ სასაფლაოზე მის დაკრძალვაზე უარს ვერ იტყვიან. „თუ ხელისუფლებამ დაადასტურა, რომ ნამდვილად ის არის, ალბათ დღის წესრიგში დადგება მისი დაკრძალვის საკითხი. არ გვაქვს ჯერ გარკვეული ცოლის ოჯახში მიიღებენ თუ არა სამძიმარს, მაგრამ მის დაკრძალვას არ მოვერიდებით“, - აღნიშნეს ჩატაევის ახლობლებმა.

ასევე, ახმედ ჩატაევის ახლობლები არ გამორიცხავენ, რომ სპეცოპერაციის ფარგლებში დაკავებული პირი, რომლის ვინაობასაც სახელმწიფო უსაფრთხოების სამსახური არ ამჟღავნებს, სურხო დუდაევი იყოს, შესაძლოა, მას სახელი შეცვლილი ჰქონდეს.

37 წლის სურხო დუდაევი ლაფანყურის საქმის მონაწილეა. ის, 2012 წლის აგვისტოს ბოლოს ლოპოტას ხეობაში შესული 17 კაციანი შეიარაღებული ჯგუფის ერთ-ერთი წევრია, რომელიც ცოცხალი გადარჩა. ლოპოტას ხეობაში სპეცოპერაციის დაწყებამდე სურხო დუდაევი, ჯუფის კიდევ ერთ წევრ „აბუ ჰამზასთან“ ერთად ახლდა ახმედ ჩატაევს, რომელიც ანტიტერორისტული ცენტრის ხელმძღვანელობამ თბილისიდან ლაფანყურში შეიარაღებულ ჯგუფთან მოლაპარაკების მიზნით ჩაიყვანა. სპეცოპერაციის დასრულების შემდეგ სურხო დუდაევმა, ჯგუფის დანარჩენ გადარჩენილ წევრებთან ერთად საქართველოს დატოვება და თურქეთში გადასვლა ყოფილი ხელისუფლების დახმარებით მოახერხა. ის ახმედ ჩატაევთან მეგობრობდა და სავარაუდოდ 2014 წლის ბოლოდან „ისლამური სახელმწიფოს“ დაჯგუფება „იარმუკის“ წევრი იყო, რომელსაც ჩატაევი ხელმძღვანელობდა და რომელიც ძირითადად ჩრდილოკავკასიიდან, მათ შორის საქართველოდან სირიაში წასული ადამიანებით იყო დაკომპლექტებული.

საქართველოს სახელმწიფო უსაფრთხოების სამსახურის ინფორმაციით, 21-22 ნოემბერს, თბილისში, ბერი გაბრიელ სალოსის გამზირზე ჩატარებული კონტრტერორისტული ოპერაციის შედეგად დაკავებულია დანაშაულებრივი ჯგუფის ერთი წევრი, ხოლო სამი ლიკვიდირებულია. სპეცოპერაციის დროს დაიღუპა სახელმწიფო უსაფრთხოების სამსახურის ერთი თანამშრომელი და დაიჭრა 4 სამართალდამცავი. სუს-ის ცნობით, დანაშაულებრივი დაჯგუფების წევრები არ იყვნენ საქართველოს მოქალაქეები.

პროკურატურამ სპეცოპერაციის ფარგლებში დაკავებულ ს. დ-ს ბრალი წაუყენა უცხო ქვეყნის ტერორისტულ ორგანიზაციაში გაერთიანებასა და ტერორისტულ საქმიანობაში მისი დახმარებისთვის, ასევე ცეცხლსასროლი იარაღის, საბრძოლო მასალის, ფეთქებადი ნივთიერების და ასაფეთქებელი მოწყობილობის ტერორისტული მიზნით, მართლსაწინააღმდეგო შეძენა, შენახვა ტარებისთვის. ადვოკატ იმედა ქარქაშაძის განცხადებით, დაკავებული რუსეთის მოქალაქეა და ის სპეცოპერაციის დაწყებამდე რამდენიმე საათით ადრე მიმდებარე ტერიტორიაზე დააკავეს. სასამართლომ მას პატიმრობა შეუფარდა. დაკავებული ბრალს არ აღიარებს და დუმილის უფლებას იყენებს. მედიით გავრცელებული ინფორმაციით, ის ან სურხო დუდაევია ან საედდუდაევი.

ვრცელდება ინფორმაცია, რომ ლიკვიდირებულთა შორის არის „ისლამური სახელმწიფოს“ ერთ-ერთი ლიდერიახმედ ჩატაევი. 26 ნოემბერს, სუს-ის უფროსმა ვახტანგ გომელაურმა განაცხადა, რომ არსებობს ეჭვი, სპეცოპერაციის შედეგად ლიკვიდირებულთა შორის ახმედ ჩატაევი იყოს. მისივე თქმით, გარდაცვლილი პირების ვინაობა ექსპერტიზების დასრულების შემდეგ გახდება ცნობილი. სპეცოპერაციის გამოძიების პროცესში FBI-ის ექსპერტები არიან ჩართულები.

არსებული ინფორმაციით, სპეცოპერაციის სამიზნე ბინაში მყოფმა შეიარაღებულმა ახმედ ჩატაევმა თავი მას შემდეგ აიფეთქა, რაც ბინიდან გამოქცეული შეიარაღებული ჯგუფის ერთ-ერთი წევრი, რომელიც ისროდა, სამართალდამცავებმა ეზოში მოკლეს. ტელეკომპანიების „იმედის“ და „რუსთავის 2“-ის მიერ გავრცელებული ფოტომასალიდან ჩანს აფეთქების შედეგად დანაწევრებული ცხედარი და ფეხის პროთეზი. ცნობილია, რომ ჩატაევს ლაფანყურის სპეცოპერაციის დროს მიღებული ჭრილობის შედეგად, მარცხენა ფეხი მოკვეთილი ჰქონდა და პროთეზს ატარებდა.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
რომელ საპრეზიდენტო კანდიდატს აძლევთ ხმას?
სალომე ზურაბიშვილი გრიგოლ ვაშაძე დავით ბაქრაძე დავით უსუფაშვილი სხვა კანდიდატს არ მაქვს გადაწყვეტილი არ მივდივარ არჩევნებზე

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC