00:43, Tuesday, 16.10.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კულტურული მემკვიდრეობის ძეგლი საფრთხეშია

23.01.2018

 
თბილისში, ისნის ქუჩა №2-ში მდებარე კულტურული მემკვიდრეობის ძეგლი, რომელიც საცხოვრებელ სახლს წარმოადგენს, ინგრევა. ამასთან, საფრთხე ემუქრება საცხოვრებელი სახლის მცხოვრებთ და სახლის მიმდებარედ, ქუჩაში გამვლელ ადამიანებსაც. კულტურული მემკვიდრეობის ძეგლი ავარიულ მდგომარეობაშია: სახურავიდან ჩამოდის წყალი, არსებობს აივნებისა და კედლების ჩამოშლის საშიშროება. სახლი ექვემდებარება სასწრაფო დემონტაჟს, რის შემდეგაც იგი პირვანდელი სახით უნდა აღდგეს.

არსებულ პრობლემასთან დაკავშირებით ადამიანის უფლებათა ცენტრს სამართლებრივი დახმარებისათვის მიმართა ისნის ქ. №2-ის მცხოვრებმა, ნანა სარაშვილმა. ადამიანის უფლებათა ცენტრმა რამდენჯერმე მიმართა ქალაქ თბილისის მერიას, პრობლემის შესახებ ინფორმირებულია  თბილისის განვითარების ფონდი და ისნის მუნიციპალიტეტის გამგეობა. ადგილზე მდგომარეობის შესასწავლად იმყოფებოდა ისნის გამგებელიც, მაგრამ პრობლემის აღმოსაფხვრელად აქამდე არანაირი ქმედითი ღონისძიება არ გატარებულა.

ქალაქ თბილისის მერმა 2017 წელს პროექტ „ახალი ტფილისის“ მეორე ეტაპის დაწყება დააანონსა, რომელიც  ორბელიანისა და გუდიაშვილის მოედნების აღდგენა-რეაბილიტაციას მოიცავს. თბილისის განვითარების ფონდის მიერ მოწოდებული ინფორმაციის თანახმად, თბილისის მერიის 2017 წლის ადგილობრივი ბიუჯეტით არ არის გათვალისწინებული ისნის ქ №2-ში მდებარე საცხოვრებელი სახლისთვის სარეაბილიტაციო სამუშაოების ჩატარება.

თბილისის განვითარების ფონდის მიერ ჩატარებული კვლევის თანახმად, კულტურულ მემკვიდრეობის ძეგლთა რანჟირებული სიით, ისნის ქუჩა №2-ში მდებარე კულტურული მემკვიდრეობის ძეგლს მინიჭებული აქვს 70 ქულა, რაც კიდევ ერთხელ ადასტურებს, რომ სახლი სასწრაფოდ დემონტაჟს და ახლიდან პირვანდელი სახით აღდგენას საჭიროებს.

ადამიანის უფლებათა ცენტრი მიიჩნევს, რომ მნიშვნელოვანია დაცული იყოს ისნის ქუჩა №2-ში მდებარე სახლის მცხოვრებთა სიცოცხლის უფლება. ამასთანავე, ორგანიზაციას მიაჩნია, რომ არ უნდა განადგურდეს კულტურული მემკვიდრეობის ძეგლი და მისი დემონტაჟი და შემდგომი რეაბილიტაცია უნდა განხორციელდეს კანონით დადგენილი წესით, კულტურული მემკვიდრეობის სააგენტოსთან შეთანხმებული პროექტით.

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
რომელ საპრეზიდენტო კანდიდატს აძლევთ ხმას?
სალომე ზურაბიშვილი გრიგოლ ვაშაძე დავით ბაქრაძე დავით უსუფაშვილი სხვა კანდიდატს არ მაქვს გადაწყვეტილი არ მივდივარ არჩევნებზე

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC