07:39, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამსახურიდან დათხოვნილი ენერგეტიკოსები სამართალს ეძებენ

07.02.2006
სამსახურიდან დათხოვნილი ენერგეტიკოსები სამართალს ეძებენ


საქართველოს გაერთიანებული ენერგოკომპანიის ზუგდიდის ფილიალის 20- მდე თანამშრომელმა 2 თებერვალს ქალაქის ცენტრში დიდთოვლობის მიუხედავად მაინც მოიყარა თავი და გამაფრთხილებელი აქცია გამართა. ისინი ენერგოკომპანიის ხელმძღვანელობისაგან 2003 წლიდან დაგროვილი გაყინული ხელფასებისა და კომპენსაციების გაცემას ითხოვენ და აცხადებენ, რომ აქციების უკიდურეს ფორმებსაც კი არ მოერიდებიან საკუთარი უფლებების დასაცავად.
 
„სამსახურიდან მოულოდნელად, ყოველგვარი გაფრთხილების გარეშე დაგვითხოვეს. ადმინისტრაციისგან არცერთ ჩვენგანს არ მიუღია ბრძანება გათავისუფლების შესახებ, ვერ მივაღწიეთ იმასაც, რომ შრომის წიგნაკები დავიბრუნოთ“,- აცხადებს აქციის მონაწილე მურმან კაკაჩია და იმედოვნებს, რომ ენერგეტიკოსები სამართალს იპოვიან. ენერგოკომპანიის სამსახურიდან დათხოვილი თანამშრომლების ადვოკატის მებრძოლი ჭკადუას განცხადებით, ის რამდენიმე თვეა ამაოდ ცდილობს სარჩელის მოსამზადებლად შესაბამისი დოკუმენტაციის მოგროვებას და ენერგოკომპანიის მხრიდან საჯარო ინფორმაციის გაუცემლობაზეც საუბრობს: „შვიდ თვეზე მეტია, გაერთიანებული სადისტრიბუციო ენერგოკომპანიის გენერალური დირექტორის, სორნტონის უკანონო ბრძანებულება ხელს მიშლის საჯარო ინფორმაციის მოპოვებაში. ამ ბრძანებით, ის ხელქვეითებს ინფორმაციის გაცემას უკრძალავს. ეს კი, მოგეხსენებათ საქართველოს კანონმდებლობას ეწინააღმდეგება“.

გაერთიანებულ სადისტრიბუციო ენერგოკომპანიაში ამ ფაქტის კომენტირებისგან თავს იკავებენ, თუმცა აცხადებენ, რომ ძველი კადრები ახლით შეიცვალა და ეს სრულიად ჩვეულებრივი მოვლენაა.

უკვე უმუშევარი, სადისტრიბუციო ენერგოკომპანიის რეალიზაციის განყოფილების ხელმძღვანელი სოსო ბეჭვაია კი თვლის, რომ ახალმა ხელმძღვანელობამ უბრალოდ ძველი პროფესიონალები საკუთარი კადრებით ჩაანაცვლა: „ჩვენი მუშაობის დროს ელექტროენერგიის გადასახადის მოსახლეობისგან ამოღების პროცენტი დიდი იყო, ტესტირებებისაც არ შეგვშინებია, მაგრამ ცხადია, ქობალიას ზუგდიდში პროფესიონალები არ სჭირდება (გოჩა ქობალია-სადისტრიბუციო ენერგოკომპანიის ზუგდიდის ორგანიზაციის უფროსი)“.

2004 წელს ენერგოკომპანიიდან დათხოვნილი ენერგეტიკოსები ხელმძღვანელობისაგან შრომის კანონისა და ადამიანთა უფლებების დაცვას ითხოვენ და უახლოეს ხანში აქციის პარალელურად პრესკონფერენციის გამართვასაც გეგმავენ.

მაია ღუბელაძე ზუგდიდიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC