00:07, Sunday, 25.08.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორელი ახალგაზრდა ჟურნალისტები ცხინვალში დააპატიმრეს

23.12.2006
Tskhinvali.pngრამდენიმე დღის წინ გორის უნივერსიტეტის ჟურნალისტიკის ფაკულტეტის სტუდენტები, რომლებიც  ადგილობრივ გაზეთებში ,,ქართლის ხმა” და ,,ხალხის გაზეთში” სტაჟირებას გადიოდნენ ცხინვალის ქუჩებში დააპატიმრეს. რამდენიმესაათიანი ტყვეობის შემდეგ ახალგაზრდა ჟურნალისტები უვნებელი გამოუშვეს, თუმცა ფოტოაპარატის ლენტები წაართვეს.

რეზო ნადირაძე: „ლექცია გვიცდებოდა და იდეა მომივიდა, რაკი ირაკლი ოქრუაშვილი ვერ შევიდა ცხინვალში, მოდით, ჩვენ სტუდენტები,შევიდეთ-მეთქი. ჩემს წინანადებას მხოლოდ ორი სტუდენტი გამოეხმაურა. დანარჩენმა სტუდენტებმა კი უარი გვითხრეს,არაფერი გამოგივათ და ეს ყველაფერი შეიძლება ცუდადაც დასრულდესო.“

13 დეკემბერს ახალგაზრდა ჟურნალისტები რეზო ნადირაძე, რომელიც ,,ხალხის გაზეთში” ფოტოკორესპონდენტად მუშაობს და გაზეთ ,,ქართლის ხმის” კორესპონდენტები – ლანდა ბირთველიშვილი და ნანა გოგიაშვილი ცხინვალში შევიდნენ. როგორც ლანდა ბირთველიშვილი აღნიშნავს, მათი ცხინვალში ფარულად შესვლის მიზეზი იქ არსებული ვითარების გაცნობა და ფირზე ქალაქის იერსსახის დაფიქსირება გახლდათ.

ლანდა ბირთველიშვილი: „გვინდოდა ცხინვალის ქუჩები გადაგვეღო. აგვერჩია საუკეთესო სურათები და შემდეგ გამოფენა სახელწოდებით ,,ომი და მშვიდობა” მოგვეწყო. ცხინვალში მშვიდობიანად შევედით და სურათებიც გადავიღეთ. ბოლო სურათს რომ ვიღებდით, მეორე მსოფლიო ომში დაღუპულ გმირთა მემორიალთან ცხინვალის მილიციის თანამშრომლებმა დაგვაპატიმრეს. ყველანი პოლიციის განყოფილებაში გადაგვიყვანეს.”

ნანა გოგიაშვილი: „მილიციელები რუსულ ენაზე გველაპარაკებოდნენ, თუმცა ქართული ძალიან კარგად იცოდნენ, ერთი ფოტოაპარატი გავტეხეთ და მისი ფირი გადავმალეთ. ორი ფირი წაგვართვეს.”

ლანდა ბირთველიშვილი: „მილიციელებმა გვკითხეს, ჟურნალისტები ხომ არ ხართო. ვუთხარით, რომ გორის უნივერსიტეტის იურიდიული ფაკულტეტის სტუდენტები ვიყავით. ნახეს ჩვენი პირადობის და სტუდენტის მოწმობები. ორი საათი განყოფილებაში ვყავდით და მერე გამოგვიშვეს. ერთმა გვითხრა, აქ გადმოსვლა თუ გინდათ ან ჩვენ ან სამშვიდობოებს უნდა შეუთანხმდეთო. სამშვიდობოების ტერიტორიაზე როცა მიგვიყვანეს, საშველად ქართველ სამშვიდობობებთან მივედით, მაგრამ ჩვენები უფრო უხეშად მოგვექცნენ, ვიდრე მათი სამშვიდობები.”

       გორი, საბა წიწიკაშვილი

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC