05:12, Wednesday, 23.09.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დევნილებს აღარ გაასახლებენ

27.09.2007
სასტუმრო "ქუთაისის" ირგვლივ აგორებული სკანდალი, რომელიც ქუთაისელი (და არა მხოლოდ) საზოგადოების ყურადღების ცენტრში არაერთხელ მოექცა, მხარეთა მშვიდობიანი მოლაპარაკებით დასრულდა. შპს "ინტერინვესტის" ხელმძღვანელობამ სასტუმროში მცხოვრები დევნილების მოთხოვნა დააკმაყოფილა და მათ საკომპენსაციო თანხა 4500-დან 8000 ამერიკულ დოლარამდე გაუზარდა.

"მართლა აღარ გვეგონა, თუ ეს გრძელი და საკმაოდ დაძაბული პროცესი ასე მშვიდობით დასრულდებოდა. იყო მცდელობა, რომ ჩვენ აქედან ძალით გავეყარეთ, მაგრამ არ დავნებდით. გადაგვიკეტეს წყალი, ელექტროენერგია, სატელეფონო კავშირი, მაგრამ უკან მაინც არ დავიხიეთ. ჩვენი მოთხოვნა ერთადერთი იყო - შევხვედროდით უშუალოდ სასტუმროს მფლობელს, შპს "ინტერინვესტის" ხელმძღვანელს, რადგან დარწმუნებული ვიყავით ბატონი  ბადრი კაკაბაძე შევიდოდა ჩვენს მდგომარეობაში და ქუჩაში არ დაგვტოვებდა,"- ამბობს სასტუმროში მცხოვრები ლიანა გაბუნია.

მან და სასტუმროში მცხოვრებმა დანარჩენმა დევნილებმა უკვე მიიღეს საკომპენსაციო თანხა და რამდენიმე მათგანმა ამ დროისთვის ბინაც შეიძინა. თუმცა, არიან ისეთებიც, ვინც ჯერჯერობით ისევ ნახევრად დანგრეული სასტუმროს ნომრებში რჩებიან და ბინის შეძენამდე იქედან არავინ აგდებს.

"მიხარია, რომ ეს ამბავი არ დასრულდა ისე, როგორც საქართველოს სხვადასხვა ქალაქში. გახსოვთ, ალბათ, ბათუმის შემთხვევა. ჩვენი ორგანიზაცია აქტიურად იყო ჩართული სასტუმროსთან დაკავშირებულ პროცესებში და დაწვრილებით ვიცით, რაც ხდებოდა. "ინტერინვესტის" ხელმძღვანელობა მიხვდა, რომ დევნილები ქუჩაში არ უნდა გაეყარა. მათ დაურიგდათ თანხა და მიეცათ დრო იმისთვის, რომ შეიძინონ საცხოვრებელი ფართი",- აცხადებს დევნილთა უფლებების დაცვის  ორგანიზაცია "საჩინოს" ხელმძღვანელი ზურაბ ხურციძე.

ნახევრად დანგრეულ და ხის ფიცრულით შემოღობილ შენობაში დღესდღეობით დევნილთა 2-3 ოჯახიღა რჩება. მალე სასტუმროს ისინიც დატოვებენ და ყველა შეხლა-შემოხლა, სხვა დანარჩენ უსიამოვნო მოგონებებთან ერთად, წარსულს ჩაბარდება.


შორენა კაკაბაძე, ქუთაისი 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC