თავისუფალი ჟურნალისტი ჯეფრი სილვერმენი (ფოტო) საქართველოში 1991 წლიდან ცხოვრობს. მას ქართველი მეუღლე ჰყავს და უკვე წლებია, ჟურნალისტურ საქმიანობასაც საქართველოში ეწევა. 7 ნოემბერს ის სასტიკად სცემეს. მას ვერც ჟურნალისტის მოწმობამ უშველა. „ადამიანის უფლებათა ცენტრში“ ის სწორედ ამ ამბის მოსათხრობად მოვიდა.
„ჩემი თვალით ვნახე, როგორც ეძებდა პოლიცია ხალხს საცემრად... ამის შემსწრე რიყეზე გავხდი, სადაც უდანაშაულო ადამიანები გამოხატავდნენ თავიანთ პროტესტს. მე ვნახე ადამიანის უფლებების დარღვევის საშინელი ფაქტები, ვნახე როგორ სცემდნენ ხალხს აბსოლუტურად უმიზეზოდ. „ღვინის აღმართზე“ შეშინებული ხალხი გარბოდა. მეტრო „ავლაბართან“ ახლოს დავინახე პოლიცია როგორ გამეტებით ურტყამდა ძირს დავარდნილ ადამიანს. მე ვაჩვენე მას ჟურნალისტის მოწმობა და ვუთხარი, რომ ასე მოქცევა არ შეიძლებოდა“...
ამერიკელი ჟურნალისტი ამბობს, რომ ეს ხომ არ იყო პოლიცია: „ესენი იყვნენ ნაცმოძრაობასთან დაახლოებული პირები, პატრიოტთა ბანაკების ხალხი, 16-17 წლის აგრესიით სავსე ბავშვები; ახალგაზრდა ხულიგნები, ვისაც ფული გადაუხადეს. მათ ხის ჯოხები ჰქონდათ და ამით ცემდნენ ადამიანებს.
ისინი ხალხს მარტო კი არ არბევდნენ და ფანტავდნენ, ძირს დაცემულ ადამიანებს გამეტებით ურტყამდნენ.
საოცარი აგრესია მოდიოდა ჟურნალისტების მიმართ. მე პირადად, მირტყეს ხელკეტებით, როცა ადამიანებს გამოვესარჩლე. ტელეკომპანია „იმედთან“ განვითარებული მოვლენების დროს ისინი განსაკუთრებით აგრესიულები იყვნენ.
ეს იყო ძალიან კარგად დაგეგმილი ინციდენტი.
სამების ეკლესიასთან მე ჩემი თვალით ვნახე, როგორ იდგა პოლიციელთა კორდონები, რომლებიც არ ტოვებდნენ ტერიტორიას და ხალხის დაშინებას ცდილობდნენ“.
ჯეფრი სილვერმენი თვლის, რომ სააკაშვილმა უფლებების სფეროში სერიოზული მარცხი განიცადა. რაც მთელმა მსოფლიომ ნათლად დაინახა.
„ადამიანის უფლებათა ცენტრი“, თბილისი.
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
