19:57, Monday, 16.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შსს “კუდ”-ის თანამშრომელმა მამაკაცი სცემა

12.06.2009
ნანა ფაჟავა, ზუგდიდი

შსს კონსტიტუციური უსაფრთხოების დეპარტამენტის თანამშრომლის მიერ ახალგაზრდა მამაკაცის ცემის თვითმხილველი ზუგდიდში მიმდინარე საპროტესტო აქციის ერთ-ერთი მონაწილე ნიკა პაჭკორია გახდა. მან ვიდეოკამერით ინციდენტის დეტალების გადაღება ფარულად მოახერხა და presa.ge-ს მიაწოდა.

ვიდეო-კადრებით გაირკვა, რომ ცემის ფაქტი “კუდ”-ის რეგიონალური სამმართველოს შენობასთან მოხდა. ახალგაზრდა, ათლეტური აღნაგობის მამაკაცს შავ სამოსში ჩაცმული პირი მუშტებს უღერებს და გამეტებით სცემს. რამდენიმე წამიანი პაუზის შემდეგ ორთაბრძოლა განახლდა. სავარაუდოდ “კუდ”-ის თანამშრომელი თავის არეში ურტყამს მამაკაცს, რომელიც მოგერიებას ცდილობს. კადრში ჩნდება სამი სამხედრო პირი, რომლებმაც მოჩხუბართა გაშველება მოახერხეს. ნაცემი მოქალაქე ადგილზე რჩება, ხოლო დანარჩენი ოთხი უკან იხევს.

ის, რომ მოქალაქეს “კუდ”-ის თანამშრომელი სცემდა, ვიდეოკადრების ავტორს ეჭვი არ ეპარება, რადგან იგი ამავე სამსახურის კუთვნილი ავტომანქანიდან გადმოვიდა.

ნიკა პაჭკორია: “ნაცემი მოქალაქე ტაქსის მძღოლებს აუხირდა, ვფიქრობ ისინი მომსახურეობაზე უარს ამბობდნენ. შეხლა-შემოხლის დროს მათ “ნივის” მარკის, თეთრი ფერის ავტომანქანა, SIS-382 მიუახლოვდა. შემდეგ ის მოქალაქე ჯიკავით ჩასვეს ნივაში და მანქანაც დაძრეს. ამ ყველაფერს საკნიდან ვადევნებდი თვალს. მაინტერესებდა, თუ რა მიმართულებით გავიდოდნენ. “ნივა” რამდენიმე მეტრში, “კუდ”-ის შენობის წინ გაჩერდა. მამაკაცი გადმოათრიეს და ცემა დაუწყეს. ის მოქალაქე ფიზიკურად ძლიერი ჩანდა, ამიტომაც პოლიციელს მისი დამორჩილება გაუჭირდა”.

presa.ge-მ მომხდარის გადამოწმება “კუდ”-ში სცადა. შენობასთან ახლოს რამდენიმე სამსახურეობრივ მანქანებს შორის სწორედ ის “ნივა” იდგა, რომელიც თვითმხილველებმა დაასახელეს. მცდელობის მიუხედავად presa.ge-მ “კუდ”-ის უფროსისგან, დავით დარცმელიძისგან მომხდარის შესახებ კომენტარი ვერ მიიღო. დაცვის თანამშრომლებმა ტერიტორიაზე ვიდეოკამერით გადაღების აკრძალვაც სცადეს.
რამდენიმე წუთის შემდეგ, რაც presa.ge-მ სამმართველოს მიმდებარე ტერიტორია დატოვა, “კუდ”-ის თანამშრომლებმა ავტომანქანის სანომრე ნიშნები ადგილზევე შეცვალეს. SIS-382 ნაცვლად IHI-316 გაჩნდა...

სამართალდამცავების ავტომანქანაზე სანომრე ნიშნების გაცვლა-გამოცვლას თვალს საკნების აქციის მონაწილეები ადევნებდნენ, რომლებიც აცხადებენ, რომ ქალაქში “კუდის” არსებობას მხოლოდ ოპოზიციურად განწყობილი ადამიანები გრძნობენ.

კახა მიქაია: “ცემა, დარბევა და მკვლელობაა დღეს შსს მთავარი საქმიანობა... ზუგდიდის ხელისუფლება და ძალოვნები სრულ აგონიაში არიან. სწორედ ისინი წარმოადგენენ კრიმინალურ დაჯგუფებას. მათ სურთ ზუგდიდი გადაყლაპონ და სააკაშვილს საფაშო მოუწყონ. ისეთი საფაშო, სადაც მოვა მიშა, ალტერნატიული აზრი არ დახვდება - შეჭამს, დალევს და დამშვიდებული დაბრუნდება თბილისში, რომელსაც მან თურმე ვერ გაუგო”.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC