აჭარის შს მინისტრის მოადგილე პოლიტიკურ მკვლელობაშია ეჭვმიტანილი
საქართველოს გენპროკურორი ირაკლი ოქრუაშვილი თემურ ინაიშვილის მკვლელობას გახსნილად მიიჩნევს და იმ თხუთმეტი ადამიანის დაკავებას მოითხოვს, რომლებიც მკვლელობაში არიან ეჭვმიტანილი.
თემურ ინაიშვილი მიმდინარე წლის 14 იანვარს, საღამოს 8 საათზე ბათუმის ცენტრში მემედ აბაშიძის ძეგლთან მოკლეს.
საქართველოს გენერალურმა პროკურორმა ირაკლი ოქრუაშვილმა ინაიშვილის მკვლელობის უშუალო ორგანიზატორად აჭარის შს მინისტრის მოადგილე დავით ბაკურიძე დაასახელა. ოქრუაშვილი აცხადებს, რომ ამ საქმეს ბოლომდე მიიყვანს და პოლიტიკურ მკვლელობაში ეჭვმიტანილებს სათანადოდ დასჯის.