ეროვნულ-დემოკრატიული პარტიის თბილისის ოფისი დაარბიეს
დღეს დილით ოფისში მისულ ეროვნულ-დემოკრატიული პარტიის წევრებს ოფისი დარბეული დახვდათ. თავდამსხმელების ვინაობა უცნობია. როგორც თავად პარტიის წარმომადგენლები ირწმუნებიან, ოფისიდან წაღებულია მნიშვნელოვანი ინფორმაცია. მათივე განცხადების თანახმად, დარბევა პოლიტიკური ნიშნით განხორციელდა.
გასათვალისწინებელია ის ფაქტიც, რომ რამოდენიმე დღის წინ ასევე უცნობი პირების მიერ დარბეულ იქნა ედპ-ს რუსთავის ოფისი.