23:48, Wednesday, 20.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აკაკი ელიავას და გოჩა გვილავას რეაბილიტაციის საკითხს უზენაესი სასამართლო განიხილავს

28.09.2004

აკაკი ელიავას და გოჩა გვილავას რეაბილიტაციის საკითხს უზენაესი სასამართლო განიხილავს

თბილისი.27.09.04.მედია-ნიუსი. ზვიად გამსახურდიას ხელისუფლების მომხრე, 2000 წლის 10 აგვისტოს ზესტაფონის პოლიციის ეზოში მოკლული აკაკი ელიავასა და გოჩა გვილავას რეაბილიტაციის საკითხს უზენაესი სასამართლოს სისხლის სამართლის საქმეთა საკასაციო პალატა 30 სექტემბერს განიხილავს.

როგორც სააგენტო „მედია-ნიუსს“ ადვოკატმა ეკა ბესელიამ განუცხადა, უზენაეს სასამართლოში მან გაასაჩივრა ქუთაისის საოლქო სასამართლოს მიერ წლეულს ივნისში მიღებული გადაწყვეტილება, რომლითაც გვილავა და ელიავა ყველა ბრალდებაში (უკანონო შეიარაღებული ფორმირების შექმნა, მკვლელობები, იარაღის უკანონო ტარება და ა.შ.) გაამართლეს, გარდა პოლიციისათვის წინააღმდეგობის გაწევისა.

ბესელია მოითხოვს, მოკლულები ამ ბრალდებაშიც გაამართლონ, ვინაიდან მათგან წინააღმდეგობის გაწევა არ დასტურდება - გვილავასა და ელიავას ცეცხლსასროლი იარაღიდან ზურგში ესროლეს.

აკაკი ელიავა და მისი მომხრეები შევარდნაძის ხელისუფლებას დაუმორჩილებლობას უცხადებდნენ და ტყეში იყვნენ გასული. ხელისუფლებამ 2000 წელს მათი შემორიგება გადაწყვიტა და ამასთან დაკავშირებით მოლაპარაკებები იმართებოდა, რომელშიც ჩართულნი იყვნენ მაშინდელი შს და უშიშროების მინისტრები.

2000 წლის 10 აგვისტოს ელიავა, გვილავა და მათთან ერთად მყოფი რამდენიმე პირი თბილისიდან ზუგდიდისაკენ მიემართებოდნენ. ისინი ზესტაფონის პოლიციაში გააჩერეს. როგორც შემდეგ პროკურატურა ამტკიცებდა, მათ შეიარაღებული წინააღმდეგობა გაუწიეს პოლიციას, მძევლად ხელში ჩაიგდეს პოლიციის თანამშრომლები, რის გამოც ზესტაფონის პოლიციის მაშინდელმა უფროსმა რუბენ ასანიძემ ელიავას და გვილავას ლიკვიდაციის გადაწყვეტილება მიიღო.

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC