ქართველმა სამართალდამცავებმა რუსი სამშვიდობოები დააკავეს
თბილისი.21.03.05.მედია-ნიუსი. აფხაზეთის პირობით საზღვართან, სოფელ განმუხურში საქართველოს შეიარაღებული ძალების სწრაფი რეაგირების ბატალიონის წევრებმა ქართულ-აფხაზური კონფლიქტის ზონაში განლაგებული რუსი სამშვიდობო ძალების ოთხი ჯარისკაცი დააკავეს.ისინი შეიარაღებულნი იყვნენ და ერთ-ერთი მოსახლის ეზოში აპირებდნენ შესვლას. დაკავებულთაგან, რომლებიც ზუგდიდში, ბატალიონის შტაბში გადაიყვანეს, ერთი სომეხია, ერთი ყაბარდოელი და ორი რუსი.დაკითხვისას ჯარისკაცებმა განმარტეს, რომ რამდენიმე დღის წინათ ცხენი მოპარეს და სოფელში მის საძებნელად იმყოფებოდნენ. ჯერ-ჯერობით უცნობია საგამოძიებო მოქმედებების დასრულების შემდეგ მათ გაათავისუფლებენ თუ არა.