სამართალდამცავებმა დედოფლისწყაროს სამხედრო ნაწილის ოფიცერი და ზემდეგი დაკითხეს

სამართალდამცავებმა დედოფლისწყაროს სამხედრო ნაწილის ოფიცერი და ზემდეგი დაკითხეს

თბილისი.31.10.05.მედიანიუსი. სახალხო დამცველის აპარატის მოთხოვნით, დედოფლისწყაროს უტილიზაციის ცენტრიდან აზერბაიჯანელი ჯარისკაცების გამოქცევის მიზეზებს გენერალური პროკურატურა იძიებს.

სამხედრო ნაწილიდან გაქცეული 12-ვე ჯარისკაცი ოსიაურის სამხედრო ბატალიონში გადაიყვანეს.
ჯარისკაცების ჩვენების საფუძველზე სამართალდამცავებმა დედოფლისწყაროს სამხედრო ნაწილის ოფიცერი და ზემდეგი რამდენიმე დღის წინათ დაკითხეს.

როგორც "მედიანიუსს" სახალხო დამცველის აპარატის პრესსამსახურში განუცხადეს, თუ სამხედრო ნაწილის თანამშრომლების ბრალეულობა დადასტურდება, სოზარ სუბარი თავდაცვის სამინისტროს მათი პასუხისმგებლობის საკითხის დაყენებას მოსთხოვს.