06:17, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დეფაქტო აფხაზეთში საქართველოში რეგისტრირებულ მანქანებს აკავებენ

06.02.2006

დეფაქტო აფხაზეთში საქართველოში რეგისტრირებულ მანქანებს აკავებენ

აფხაზეთის თვითგამოცხადებული რესპუბლიკის ე. წ. დაბალი ზონის სოფლებში აფხაზური მილიცია რეიდს აწარმოებს. მათი განცხადებით, პროფილაქტიკური შემოწმებები საქართველოში რეგისტრირებული ავტომანქანების გამოვლენას, მათ კონტროლზე აყვანასა და მეპატრონეთა დადგენას ითვალისწინებს. ამ მოტივით, აფხაზი მილიციელები გალის რაიონის ქართულ სოფლებში - ფიჩორში, ოტობაიასა და ნაკარღალში მოსახლეობის საცხოვრებელ სახლებში შედიან და ჩხრეკას აწარმოებენ. პირველ თებერვალს ფიჩორიდან მათ სამი ქართველი წაიყვანეს და მოგვიანებით გაათავისუფლეს. დაკავებულთაგან ერთ-ერთის გ.რ.- ს განცხადებით, გალის მილიციაში მათი მანქანების ბოლოდროინდელი მარშრუტებით ინტერესდებოდნენ: „მე ავადმყოფი დედა მყავს და სამკურნალოდ ზუგდიდში ხშირად დამყავდა. ალბათ ეს აინტერესებდათ. ქართული ნომრები რომ გიყენია, არ იცი აფხაზეთში რომ ცხოვრობო. არ იცოდნენ, მანქანა ერთი კვირის წინ ზუგდიდში რომ გავყიდე. ცუდად არ გვექცეოდნენ, ჯარიმას გადაიხდითო, ეს იყო და ეს“.

მოსახლეობა კი ჩხრეკით უკმაყოფილოა. აცხადებენ, რომ ასეთი „რეიდები“ თითქმის ყოველ ორ კვირაში ერთხელ ტარდება და აფხაზები ქართულნომრიან მანქანებთან ერთად, ხშირად ხელს გაჭირვებით მიწეულ ჭირნახულსაც აყოლებენ. როგორც ირკვევა, აფხაზურმა მილიციამ ბოლო ორი თვის განმავლობაში უკვე ექვსი ქართულნომრიანი მანქანა ჩამოართვა მოსახლეობას. ჩამორთმეული მანქანები გალში, აფხაზურ მილიციაშია  და მფლობელებს მხოლოდ ჯარიმის გადახდის შემდეგ დაუბრუნდება. აფხაზეთის ტერიტორიაზე მცხოვრები ქართველები აცხადებენ, რომ დაწესებულ ჯარიმას, რომელიც 500- დან 700 რუბლამდე (დაახლოებით 20 - 25 აშშ დოლარი) შეადგენს, უმეტეს შემთხვევაში ვერავინ იხდის. ქართველი მოსახლეობა აფხაზების მიერ კონტროლირებად ტერიტორიაზე, აფხაზების შიშით ამ და სხვა უკანონობის გამო პროტესტს ვერ გამოთქვამს, ლეგიტიმური ხელისუფლების წარმომადგენლები კი ქართველი მოსახლეობის დაცვას ვერ ახერხებენ.

მაია ღუბელაძე ზუგდიდიდან

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC