05:56, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი ზუგდიდის გამგეობას ბაზრის ცენტრალური კარების გახსნას სთხოვს

10.02.2006

სახალხო დამცველი ზუგდიდის გამგეობას ბაზრის ცენტრალური კარების გახსნას სთხოვს

თბილისი.09.02.06.მედიანიუსი. საქართველოს სახალხო დამცველის აპარატში აცხადებენ‚ რომ ზუგდიდის შპს “სუპერმარკეტის” ცენტრალურ კართან ბეტონის კედელი უკანონოდ აღიმართა. ლაპარაკია‚ ზუგდიდის რაიონის გამგეობის გასული წლის 21 დეკემბრის დადგენილებაზე‚ რომლითაც შპს “სუპერმარკეტის” ცენტრალური კარის ფუნქციონირება სარემონტო სამუშაოების მიმდინარეობის გამო შეიზღუდა.

როგორც სახალხო დამცველის აპარატში აცხადებენ‚ დადგენილებაში მითითებულია‚ რომ კარის ჩაკეტვა სარემონტო სამუშაოების ჩასატარებლად აუცილებელია, ამისთვის კი დროებითი ღობის აღმართვაც საკმარისია. თუმცა დროებითი ღობის ნაცვლად იქ დღემდე ბეტონის კედელია აღმართული.

“ამგვარი გადაწყვეტილების მიღების პროცესში ზუგდიდის რაიონის გამგეობამ დაარღვია საქართველოს ზოგადი ადმინისტრაციული კოდექსი‚ რომლის თანახმადაც‚ ხსენებული გადაწყვეტილების შესახებ ბაზრის მოვაჭრეები‚ როგორც დაინტერესებული მხარის წარმომადგენლები‚ ინფორმირებულნი უნდა ყოფილიყვნენ. ცენტრალური კარის დაკეტვა და ბეტონის კედლის აღმართვა ხელს უშლის ბაზრის ნორმალურ ფუნქციონირებას‚ კერძოდ‚ გვერდითი კარიდან რთულდება ხალხის შეუფერხებელი შესვლა-გამოსვლა. ამასთან‚ მოვაჭრეების განცხადებით‚ ცენტრალური კარის ჩაკეტვით ისინი მომხმარებელს კარგავენ. ეს კი მოქალაქეთა უფლებების დარღვევას ნიშნავს‚”_ აცხადებენ სახალხო დამცველის ოფისში.

სახალხო დამცველი რეკომენდაციით მიმართავს ზუგდიდის რაიონის გამგებელს‚ უზრუნველყოს ბაზრის შესასვლელთან აღმართული ბეტონის კედლის მოშორება და ცენტრალური კარის ფუნქციონირების აღდგენა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC