11:27, Thursday, 04.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რესპუბლიკელები სისხლის სამართლის კოდექსში შესატან ცვლილებებს აპროტესტებენ

17.04.2006

რესპუბლიკელები სისხლის სამართლის კოდექსში შესატან ცვლილებებს აპროტესტებენ

თბილისი.14.04.06.მედიანიუსი. პარლამენტის ფრაქცია „დემოკრატიული ფრონტისა“ და რესპუბლიკური პარტიის წევრების თქმით‚  სისხლის სამართლის კოდექსში ცვლილებებისა და დამატებების პროექტი‚ რომელიც პარლამენტმა უნდა განიხილოს‚ ადვოკატის ფუნქციებს საბოლოოდ აკნინებს და ქვეყანაში სამართლებრივ სივრცეს სპობს.

დღეს პარლამენტში გამართულ პრესკონფერენციაზე რესპუბლიკური პარტიის წევრმა თინათინ ხიდაშელმა განაცხადა‚ რომ არსებული ხელისუფლების პირობებში სისხლის სამართლის კოდექსში ცვლილება 627-ჯერ შევიდა, აღნიშნული ცვლილებები კი 172-ზე შესწორდა.

ხიდაშელის თქმით‚ განსაკუთრებით მიუღებელია ცვლილებების ბოლო პროექტი.

„აღნიშნული ცვლილებების მიხედვით, ადვოკატმა პროცესზე ხუთი წუთი რომ დააგვიანოს‚ სასამართლო ბრალდებულს დამცველს უნიშნავს‚ შემდეგ კი ადვოკატთან ერთად სასამართლოს მიერ დანიშნული დამცველი მუდმივად უნდა ფიგურირებდეს საქმეში. ფაქტობრივად, ეს ნიშნავს იმას‚ რომ სასამართლოს მიერ დანიშნული დამცველი პროკურატურასთან ამბის მიმტანი იქნება‚“ - თქვა ხიდაშელმა.

მისივე აზრით‚ ასევე მიუღებელია ის მუხლი‚ რომლის მიხედვითაც, სასამართლოს შუამდგომლობის განხილვა შეუძლია მხარეების დაუსწრებლად და გადაწყვეტილების შესახებ დაინტერესებულ მხარეს დეპეშით აცნობებს.

რესპუბლიკელების ინფორმაციით, ადვოკატები აღშფოთებული არიან და სასამართლო პროცესებისთვის ბოიკოტის გამოცხადებას აპირებენ.

თავის მხრივ ფრაქცია „დემოკრატიული ფრონტის“ წევრმა თემურ ნერგაძემ აღნიშნა‚ რომ დამატებებისა და ცვლილებების პროექტი უკანონოდ გადის პარლამენტის პლენარულ სხდომაზე განსახილველად‚ რადგან მას არ გაუვლია შესაბამისი პროცედურები ადამიანის უფლებათა დაცვისა და სამოქალაქო ინტეგრაციის კომიტეტში.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC