ზუგდიდში ახალ მშენებლობას ჩაეყარა საფუძველი. დადიანების სახლ-მუზეუმისა და ზუგდიდის ვლაქერნის ღვთისმშობლის სახელობის საკათედრო ტაძრის მიმდებარე ტერიტორიაზე, დაიწყო საბავშვო( და არამარტო საბავშვო) გასართობი ატრაქციონების მშენებლობა. როგორც საზოგადოებისათვის გახდა ცნობილი აქ იქნება “ ეშმაკის ბორბალი”, საცურაო აუზი და სხვა გასართობ- გამაჯანსაღებელი საშუალება. –”ეს რა თქმა უნდა მისასალმებელია და სასიხარულო, მაგრამ გააჩნია სად შენდება”- აცხადებენ პოლიტიკური მოძრაობა “ საქართველოს გზის” (სალომე ზურაბიშვილის პარტია.) ზუგდიდის ორგანიზაციის წარმომადგენლები.
23 სექტემბერს, ამ პარტიის ზუგდიდის კოორდინატორმა ნანა თოდუამ ადგილობრივ ჟურნალისტებს გააცნო განცხადება, რომელშიც ნათქვამია, რომ ატრაქციონის მშენებლობა აღნიშნულ ადგილზე დაუშვებელია. მისი თქმით ეს გამოიწვევს დადიანების სახლ-მუზეუმისა და ტაძრის შენობების დაზიანებას. ნ. თოდუა აცხადებს, რომ სალომე ზურაბიშვილს ჰქონდა შეხვედრა და საუბარი ამ თემაზე ზუგდიდ-ცაიშის ეპარქიის ეპისკოპოსთან მეუფე გერასიმესთან, და პროტესტი ამ მშენებლობასთან დაკავშირებით მისი ლოცვა- კურთხევით დაიწყეს.
პარტიამ უკვე დაიწყო ხელმოწერების შეგროვება მშენებლობის ამ ადგილზე გაგრძელების წინააღმდეგ.
ნატო ბერულავა, ზუგდიდი.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
