დღეს გორში მდებარე მაღაზიებში, სუპერმარკეტებში, სალონებსა და სხვადასხვა ორგანიზაციებში, გორის საკრებულოს სახელით, სამოქალაქო ფორმაში გამოწყობილი ადამიანები გამოჩნდნენ, რომლებიც ორგანიზაციის ხელმძღვანელებს უხსნიდნენ, რომ ქალაქის კეთილმოწყობისთვის იკრიბება მოსაკრებელი ერთ კვადრატულ მეტრზე 30-50 თეთრის ოდენობით.
ასეთი მოქალაქე ,,ადამიანის უფლებათა ცენტრის” გორის ოფისშიც გამოცხადა, რომელმაც ორგანიზაციის დასახელება, ფართის ოდენობა, საბანკო და საგადასახადო რეკვიზიტები მოითხოვა.
სამოქალაქო ფორმაში გამოწყობილი მოქალაქე ყოველგვარი ოფიციალური მოწმობის გარეშე ითხოვდა რეგისტრაციის და თანხის აკრეფვას. როდესაც მას ოფიციალური საბუთი მოვთხოვეთ, თუ რის მიხედვით კრებდა ,,ობშჩიაკს", წარმოგვიდგინა გორის საკრებულოს თავმჯდომარის მარლენ ნადირაძის დადგენილება.
დადგენილებაში, რომელსაც არც საკრებულოს ბეჭედი და არც საკრებულოს თავმჯდომარის ხელმოწერა ჰქონდა, ჩამოთვლილი იყო ის პუნქტები, თუ რა კატეგორიის ორგანიზაციას რა რაოდენობის თანხა უნდა გადაეხადა.
აღნიშნულ საკითხთან დაკავშირებით, დავუკავშირდით გორის მუნიციპალიტეტის გამგებელს ვასილ მახარაშვილს, რომელიც შეგვპირდა, რომ სიტუაციას გაარკვევდა. გორის საკრებულოს პრესსამსახურში კი გვითხრეს, რომ ალბათ მართლაც არსებობს ასეთი დადგენილება და მათი ქმედება კანონიერიაო.
საბა წიწიკაშვილი, გორი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
