19 წლის იგორ სავკო, ბათუმის მე-3 საპყრობილეში, ბათუმის საქალაქო სასამართლოს მოსამართლის მ. ხამაშურიძის 2007 წლის 23 აპრილის ბრძანებით მოათავსეს. დაკავებულის მშობლები კი აცხადებენ, რომ მათ შვილს ხულიგნობა არ ჩაუდენია.
როგორც მათ „ადამიანის უფლებათა ცენტრს“ განუცხადეს, იგორ სავკო შეზღუდული შესაძლებლობების მქონეა და ის საპყრობილეში, სასჯელაღსრულების დაწესებულების თანამშრომლებმა უკვე ორჯერ სცემეს. პირველად თბილისის, ხოლო მეორედ ბათუმის საპყრობილეში. ბრალდებულის მამის, ვლადიმერ სავკოს განცხადებით, მისი შვილი ფსიქიურად არის დაავადებული და გადაუდებელ მკურნალობას საჭიროებს. დაკავებულის მშობლის არაერთი მოთხოვნის მიუხედავად, პატიმარს სასამართლო - ფსიქიატრიული გამოკვლევა ჩაუტარდა, თუმცა, შესაბამისი დასკვნა ექსპერტიზის დამნიშვნელს ჯერ არ გადასცემია.
„ადამიანის უფლებათა ცენტრთან“ საუბარში ვლადიმერ სავკო აცხადებს, რომ მისი შვილის სიცოცხლეს საფრთხე ემუქრება. იგი იგორ სავკოს ფსიქიატრიულ საავადმყოფოში გადაყვანას ითხოვს.
იგორ სავკოს ინტერესებს „ადამიანის უფლებათა ცენტრის“ აჭარის ბიუროს ადვოკატი ბაკურ ბოლქვაძე იცავს.
„ადამიანის უფლებათა ცენტრი“ შეშფოთებას გამოთქვამს მომხდართან დაკავშირებით და შესაბამის ორგანოებს, სახალხო დამცველის აპარატს, მედიას და არასამთავრობო ორგანიზაციებს სასწრაფო რეაგირებისაკენ მოუწოდებს.
გელა მთივლიშვილი აჭარიდან
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
