15:19, Saturday, 05.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორში ოქრუაშვილის პარტიის ახალგაზრდული ფრთის წარმომადგენელს სცემეს

27.04.2009
„მოძრაობა ერთიანი საქართველოსთვის“ ახალგაზრდული ფრთის წარმომადგენელზე თავდასხმა განხორციელდა. როგორც დღეს გამართულ ბრიფინგზე  მოძრაობის ახალგაზრდული  ორგანიზაციის თავმჯდომარემ ლერი ლაფაჩმა განაცხადა, 25 აპრილს გორში ახალგაზრდული ორგანიზაციის წარმომადგენელს გიორგი მარტინენკოს ოთხი ნიღბიანი პირი საკუთარ სახლთან ფიზიკურად სასტიკად გაუსწორდა.

ლერი ლაფაჩის განცხადებით, ეს არ არის პირველი შემთხვევა და მოძრაობის ახალგაზრდული ორგანიზაციის წარმომადგენლებზე მუქარისა და ზეწოლის ფაქტები საპროტესტო აქციების განმავლობაში ხშირად ხორციელდება.

„25 აპრილს საკუთარი  სახლის სადარბაზოსთან გაჩერდა, სავარაუდოდ, ფოლკსვაგენ პასაჟის ტიპის ავტომობილი, საიდანაც გადმოვიდა 4 ნიღბიანი და ხელკეტებით სასტიკად გამისწორდა. ასევე მათგან მივიღე გაფრთხილება, რომ საპროტესტო აქციებში თუ მივიღებდი მონაწილეობას, ანალოგიურად გამისწორდებოდნენ“, _ აღნიშნა გიორგი მარტინენკომ.

აღნიშნულ ფაქტს შეფასება მისცა „მოძრაობა ერთიანი საქართველოსთვის“ გენერალურმა მდივანმა ეკა ბესელიამაც და განაცხადა, რომ ხელისუფლება ცდილობს,  აგრესია, დაშინება და მუქარა რეგიონებშიც განახორციელოს.

ბესელიას თქმით, იმ შემთხვევაში, თუ ხელისუფლების მხრიდან ანალოგიური ღონისძიებები გაგრძელდება, ოპოზიცია პასუხისმგებლობას არ აიღებს საზოგადოების რეაქციაზე, რასაც  მდგომარეობის ქაოსურობა მოჰყვება და პასუხისმგებლობა მთლიანად ხელისუფლებას დაეკისრება.

„ვავლებ პარალელს 2008 წლის 23 მაისის არჩევნების წინა პერიოდზე. სწორედ იგივე ხერხებით ნაცემი იყო ოპოზიციის 14 მომხრე, რაც საზოგადოებაზე  ფსიქოლოგიური ზემოქმედებას ემსახურებოდა. ახლაც იგივე ხორციელდება. დაფიქსირებულია 80 შემთხვევა აქციების დაწყების დღიდან, რომელიც ერთი და იგივე ხელწერით ხორციელდება. ვაფრთხილებ შინაგან საქმეთა სამინისტროს, რომ დაუყოვნებლივ მოხდეს რეაგირება და დაიწყოს გამოძიება აღნიშნულ ფაქტებზე, წინააღმდეგ შემთხვევაში, საზოგადოების რეაგირების შემდეგ ამას მოჰყვება ქაოტური მდგომარეობა, რაც მთლიანად ხელისუფლებას დაეკისრება“, _ აღნიშნა ეკას ბესელიამ.

წყარო „მედიანიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC