პედაგოგთა თავისუფალი პროფკავშირი კახეთში სკოლის დირექტორების მხრიდან პედაგოგებზე ზეწოლას აპროტესტებს. როგორც პროფკავშირების წარმომადგენელმა, ნელი ჯანელიძემ განაცხადა, გაფიცვის შემთხვევაში, დირექტორები მასწავლებლებს სამსახურიდან გათავისუფლებით ემუქრებიან.
„2 მარტისთვის დაგეგმილ გაფიცვასთან დაკავშირებით შეხვედრები მქონდა სოფლების - შაშიანის, ახაშენისა და არაშენდას საჯარო სკოლებში. შეხვედრებს სულ რამდენიმე მასწავლებელი დაესწრო. არაშენდას საჯარო სკოლის დირექტორმა, ნოდარ ჯიქურაშვილმა პირდაპირ მითხრა, რომ არ სურს, მისმა მასწავლებლებმა ოპოზიციურ აქციაში მიიღონ მონაწილეობა. თუ მიიღებენ, სკოლაში პროფკავშირს საერთოდ დავშლიო“, - განაცხადა ნელი ჯანელიძემ.
მასწავლებელთა დაშინების ფაქტებს კატეგორიულად უარყოფს გურჯაანის საგანმანათლებლო რესურს-ცენტრის უფროსი ლალი გაბიტაშვილი.
„რომელ პედაგოგსაც კი შევხვდი, ყველა ამბობს, რომ გაფიცვაში მონაწილეობა ბავშვების ღალატად მიაჩნიათ“, - განაცხადა გაბიტაშვილმა.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
