ადმინისტრაციულ სამართალდარღვევათა კოდექსში ცვლილება შედის, რომლის თანახმადაც, ურჩ გარემოვაჭრეებს შვიდდღიანი პატიმრობა და გარევაჭრობის საგნის ჩამორთმევა ემუქრებათ.
კანონპროექტი საქართველოს პარლამენტმა 27 სექტემბერს პირველი მოსმენით მიიღო და დაჩქარებული წესით განიხილავს.
კანონპროექტის მიხედვით, თუ პირი თბილისში სპეციალური ნებართვის გარეშე ეწევა გარევაჭრობას და შესაბამისი ორგანოს უფლებამოსილი პირის განკარგულებას და მოთხოვნას არ დაემორჩილება, მას ან 50 ლარით დააჯარიმებენ და ვაჭრობის საგანს ჩამოართმევენ, ან შვიდდღიან პატიმრობას შეუფარდებენ და ამ შემთხვევაშიც ვაჭრობის საგანს ჩამოართმევენ.
კანონპროექტის მიხედვით, დაუმორჩილებლობა გულისხმობს სამართალდამრღვევი პირის მიერ პირადობის დამადასტურებელი მოწმობის ან სხვა საიდენტიფიკაციო მონაცემების წარუდგენლობას, სამართალდარღვევის ფაქტის განგრძობადობის აღკვეთის მიზნით მიცემული სიტყვიერი მითითების შეუსრულებლობას.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
