მძღოლებისთვის ახალი ჯარიმა წესდება. შესაბამისი ცვლილება "ადმინისტრაციულ სამართალდარღვევათა კოდექსში" შედის, რომლის ინიცირებაც პარლამენტში გუშინ განხორციელდა.
კანონპროექტით დგინდება, რომ გზის სავალ ნაწილზე სატრანსპორტო საშუალებათა განლაგების, მოძრაობის დაწყების ან/და მანევრირების წესების დარღვევა 50 ლარით ჯარიმდება. აქამდე აღნიშნული ქმედებისთვის ჯარიმა განსაზღვრული არ იყო.
კანონპროექტის ავტორია საქართველოს შინაგან საქმეთა სამინისტრო, ინიციატორი კი - მთავრობა. პარლამენტს პროექტის განხილვა ჯერ არ დაუწყია.
ინტერპრესნიუსი