06:47, Friday, 13.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ტერაქტების ორგანიზებაში ბრალდებულთა სასამართლო პროცესი გადაიდო

19.04.2012
სააპელაციო სასამართლოში ტერაქტების ორგანიზების ბრალდებით დაკავებულთა საქმის განხილვა მსჯავრდებულთა გამოუცხადებლობის გამო გადაიდო.

როგორც „პირველს“ ერთ-ერთი პატიმრის დავით კეკუტიას ადვოკატმა მარინა დამსაშვილმა განუცხადა, პატიმრების გამოუცხადებლობის მიზეზი თავად მოსამართლისათვისაც უცნობი იყო.

„მსჯავდებულების ადვოკატებს დასაბუთებული ეჭვი გვაქვს, რომ ამ შემთხვევაშიც ის მეორდება, რაც საქალაქო სასამართლოზე ხდებოდა. იქაც პროცესი რამდენჯერმა შეჩერდა და გადაიდო. წინა სასამართლო სხდომაზე ყოლბაიამ განაცხადა, რომ მასზე ზეწოლა მოახდინეს და ჩვენება ასე მიაცემინეს. ასევე ყოლბაიასვე თქმით, ის ტერაქტების ორგანიზების ბრალდებით დაკავებულ ზოგიერთ პირს არც კი იცნობს. ყოლბაიას ადვოკატის განცხადებით, დღევანდელ პროცესზე მას განცხადების გაკეთება, ანუ სააპელაციო საჩივრის დაზუსტება სურდა. როგორც ჩანს, მას ამის საშუალებას არ აძლევენ და ზეწოლას ახორციელებენ“, - განაცხადა დამსაშვილმა.

სააპელაციო სასამართლოში ტერაქტების ორგანიზების ბრალდებით დაკავებულთა საქმის განხილვა 20 აპრილს, 16:00 საათზე გაიმართება.

შეგახსენებთ, რომ 2010 წლის 4 დეკემბერს შსს-მ იმავე წლის სექტემბერ-ნოემბერში საქართველოს ტერიტორიაზე განხორციელებული აფეთქებების სერიის ორგანიზებაში, შესრულებასა და ხელშეწყობაში ბრალდებული  პირები დააკავა.

საქმის მასალების მიხედვით, რუსეთის მიერ ოკუპირებულ აფხაზეთის ტერიტორიაზე დისლოცირებული სამხედრო შენაერთის სპეცსამსახურის თანამშრომელმა ევგენი ბორისოვმა და გალის რაიონის სოფელ ჭუბურხინჯში მშენებარე სამხედრო ბაზაზე მომუშავე მურმან ცხადაიამ საქართველოს სხვადასხვა რეგიონებში მოსახლეობის დაშინების, არეულობის გამოწვევისა და საქართველოს სახელმწიფოს სტრატეგიული, პოლიტიკური, ეკონომიკური ინტერესის ხელყოფის მიზნით ტერორისტული ორგანიზაცია შექმნეს. ბორისოვმა და ცხადაიამ ტერორისტული დაჯგუფების წევრების ცხადაიას, არქანიას, ყოლბაიას და სხვათა მეშვეობით 2009-2010 წლებში სამეგრელოს რეგიონში და თბილისში არაერთი ტერორისტული აქტი განახორციელეს, რასაც მსხვერპლიც მოჰყვა. კერძოდ, 2010 წლის 28 ნოემბერს თბილისში, ჯავახიშვილის ქუჩაზე, "ლეობორისტული პარტიის" ცენტრალური ოფისის მიმდებარე ტერიტორიაზე განხორციელებული ტერორისტული აქტის შედეგად მოქალაქე ნინო გორდეზიანი გარდაიცვალა.

მოგვიანებით სასამართლომ ძებნაში მყოფ მუხრან ცხადაიას - თავისუფლების უვადოდ აღკვეთა, ხოლო ძებნაში მყოფ ევგენი ბორისოვსა და მელორ ცხადაიას 30 წლიანი პატიმრობა დაუსწრებლად განუსაზღვრა, მერაბ ყოლბაიას, გოგიტა არქანიას, ჯონი აბულაძეს, გოჩა ხურცილავას და დავით კეკუტიას კი დანაშაულთა ერთობლიობით სასჯელის სახედ თავისუფლების 30-30 წლით აღკვეთა განესაზღვრა.  

საინფორმაციო სააგენტო „პირველი“

Print Send to Friend Send to Facebook Tweet This
სახელი: Ibrahim
2012-05-18 19:53
Hi,i loved the photos too.I did a Google scaerh using his name's original Russian spelling (сергей борисов) but apparently there's a footballer with the same name, and another famous man, a politician called Sergey Renatovich Borisov (сергей Ренатович борисов), which complicated things further.Even so, i managed to get two relevant results. My Russian is merely at the elementary level, so we'll have to use Google Translate to read them but it's better than nothing, i guess:, from a Russian art critic website called "арт азбука" or "Art Azbuka" which literally means "Art Alphabet". Maybe "The a-b-c of Art" or something? is somehow incompatible with Google Translate so doesn't work, but the Google Translate plugin for the Chrome browser does; .Hope this helps a bit. Please let us know if you manage to get any more info.Cheers.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC