ძლიერი წვიმის შედეგად ახმეტის მუნიციპალიტეტის სოფლებში ქისტაურში, მატანსა და ოჟიოში საცხოვრებელი სახლების პირველი სართულები და სასოფლო - სამეურნეო სავარგულები დაიტბორა.
როგორც დაზარალებულებმა კახეთის საინფორმაციო ცენტრს განუცხადეს, ძლიერი წვიმების დროს უკვე რამდენიმე წელია სახლები და ნაკვეთები ეტბორებათ, თუმცა ადგილობრივი ხელისუფლება ყურადღებას არ აქცევთ.
„წუხელ ღამის 3 საათზე შემოვარდა წყალი, ყველა მხრიდან შემოდიოდა, ვიდექით და ვუყურებდით, ვერაფერს ვერ ვაკეთებდით. პირველი სართული სულ დაიტბორა და თუ რამე საკვები გვქონდა, ყველაფერი გაგვიფუჭა. პირველი წელი კი არ არის რაც ასე ხდება, მეოთხედ თუ მეხუთედ შემოვარდა წყალი სახლებში და არც სანიაღვრე არხების მოწესრიგებას დაადგა საშველი და არც დახმარებას გვაძლევენ. ადრე შინელები, რეზინის ჩექმები და ასეთი რაღაცეები მოგვიტანეს, მასხარად აგდება იყო, მეტი არაფერი. დილას დავრეკეთ საკრებულოში და სტუმრები გვყავს, ვერ მოვალთო გვითხრეს“, - განუცხადეს კახეთის საინფორმაციო ცენტრს დაზარალებულებმა.
ვიდეო
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
