შიდა ქართლისა და მცხეთა-მთიანეთის საოლქო პროკურატურაში გამოძიება დაიწყო 11 მაისს, დუშეთის მუნიციპალიტეტის გამგეობის შენობასთან, სტუდია „GNS“-ის ჟურნალისტებისთვის ხელის შეშლის ფაქტზე.
მცხეთა-მთიანეთის საინფორმაციო ცენტრის ინფორმაციით, სისხლის სამართლის საქმე სსკ-ის 333-ე მუხლით არის აღძრული, რაც სამსახურებრივი უფლებამოსილების გადამეტებას ითვალისწინებს.
როგორც მცხეთა-მთიანეთის საინფორმაციო ცენტრს სტუდია „GNS“-ის პროდიუსერმა ნინო ჯაფარიძემ განუცხადა, ჟურნალისტები გორში, საოლქო პროკურატურაში დაკითხვაზე 5 ივნისს არიან დაბარებულები.
შეგახსენებთ, რომ 11 მაისს, სტუდია „GNS“-ის ოპერატორს ზურა პატარიძეს დუშეთის მუნიციპალიტეტის გამგეობის შენობის გადაღების უფლება არ მისცეს. დაცვის პოლიციის თანამშრომელმა გიგა წიკლაურმა ტელეოპერატორი უცენზურო სიტყვებით აგინა, ფიზიკური ძალადობით დაემუქრა და პროფესიული მოვალეობის შესრულებაში ხელი შეუშალა. ინციდენტი მაშინ მოხდა, როცა სტუდია „GNS“-ის ოპერატორი გამგეობის შენობას იღებდა. ოპერატორი გამგეობის შესასვლელიდან დაახლოებით 10 მეტრის დაშორებით იდგა. დაცვის პოლიციის თანამშრომელმა ოპერატორს უთხრა, რომ გამგეობის შენობის გადაღების უფლება მხოლოდ 50 მეტრიდან ჰქონდა.
მცხეთა-მთიანეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
