03:58, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სამჯერ დაწუნებული „ქართული ოცნების“ კოორდინატორი ჯარში გაიწვიეს

21.08.2012
დუშეთში, კოალიცია „ქართული ოცნების“ მლეთის ზონის კოორდინატორი ზურა ბურდული სამხედრო სავალდებულო სამსახურში გაიწვიეს. როგორც 25 წლის ზურა ბურდულმა მცხეთა-მთიანეთის საინფორმაციო ცენტრს აცნობა, მას ჯანმრთელობასთან დაკავშირებით პრობლემები აქვს და სწორედ ამის გამო აქამდე ჯარში არ წაიყვანეს. „ახლა თბილისში ვარ, წვევამდელთა გამანაწილებელ პუნქტში. დუშეთის სამხედრო აღრიცხვისა და გაწვევის განყოფილების უფროსი ბესო უნდილაშვილი ექიმებს თავზე ადგას და ავალდებულებს, რომ ყველაფერზე დადებითი დაწერონ, რადგან ჯარში აუცილებლად უნდა წავიდე“, – აღნიშნა ზურა ბურდულმა.

მისივე თქმით, მას შეუძლია სამედიცინო კომისიას ჯანმრთელობასთან დაკავშირებით დოკუმენტაციაც წარუდგინოს, თუმცა ამისათვის დროს არ აძლევენ. „ბესო უნდილაშვილმა პირდაპირ მოსთხოვა კომისიას, ეს უნდა გავგზავნოთო. არადა, აქამდე უკვე 3–ჯერ ვარ დაწუნებული ჯანმრთელობის მდგომარეობის გამო. ჯარში იმიტომ მიწვევენ, რომ „ქართულ ოცნებას“ ჩამომაცილონ. აქამდეც არაერთხელ ჰქონდათ კოალიციდან ჩემი ჩამოცილების მცდელობა, მაგრამ ვერ მოახერხეს“, – განუცხადა ზურა ბურდულმა მცხეთა – მთიანეთის საინფორმაციო ცენტრს.
 
მცხეთა-მთიანეთის საინფორმაციო ცენტრი დუშეთის მუნიციპალიტეტის გამგეობის სამხედრო აღრიცხვისა და გაწვევის განყოფილების უფროსს ბესო უნდილაშვილს ვერ დაუკავშირდა. მას მობილური ტელეფონი გამორთული აქვს.
 
წვევამდელთა გამანაწილებელი პუნქტი რეგიონული განვითარებისა და ინფრასტრუქტურის სამინისტროს საქვეუწყებო დაწესებულებაა. სამინისტროს პრესცენტრის ხელმძღვანელმა მაია სიხარულიძემ მცხეთა – მთიანეთის საინფორმაციო ცენტრს განუცხადა, რომ ინფორმაციას მოიძიებს და კომენტარს ერთ საათში გააკეთებს.
 
შეგახსენებთ, ზურა ბურდულს „ქართული ოცნების“ მხარდაჭერის გამო პრობლემები აქამდეც არაერთხელ შეექმნა. 1 ივლისს მცხეთაში „ქართული ოცნების“ აქციაში მონაწილეობის გამო ის და მისი მეგობრები პოლიციაში დაიბარეს. ამასთან, ზურა ბურდული მლეთის ზონაში არსებულ პრობლემებთან დაკავშირებით აქტიურად თანამშრომლობდა ჟურნალისტებთან.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC